ନୂଆଦିଲ୍ଲୀ: ଶନିବାର ଥିଲା ବିଜେପିର ଦିଲ୍ଲୀ ପ୍ରଦେଶ ଅଧ୍ୟକ୍ଷ ତଥା ଉତ୍ତର-ପୂର୍ବ ଦିଲ୍ଲୀର ସାଂସଦ ମନୋଜ ତିୱାରୀଙ୍କ ଜନ୍ମଦିନ । ମନୋଜଙ୍କ ପାଇଁ ଏହି ଖାସ ଦିନରେ ତାଙ୍କୁ ଭେଟିଛନ୍ତି ଗୁରୁ ସଙ୍ଗଠା ତିୱାରୀ ।
ମନୋଜଙ୍କୁ ଭେଟିବା ପାଇଁ ଶନିବାର ତାଙ୍କ ବାସଭବନକୁ ଆସିଥିଲେ ସେ । ଗୁରୁ-ଶିଷ୍ୟର ଏହି ଅପୂର୍ବ ମିଳନରେ ବେଶ କିଛି ସମୟ ପାଇଁ ବେଶ ଭାବୁକ ହୋଇପଡିଥିଲେ ଉଭୟେ । ଗୁରୁ ସଙ୍ଗଠାଙ୍କ ନିକଟରେ ଦଶମ ପର୍ଯ୍ୟନ୍ତ ପଢିଥିଲେ ସେ ।
ଏହି ଅବସରରେ ମନୋଜଙ୍କ ବିଷୟରେ ଅନେକ ଅକୁହା କଥା କହିଥିଲେ ଗୁରୁ । ସଙ୍ଗଠାଙ୍କ କହିବା ଅନୁସାରେ, ଛୋଟବେଳୁ ହିଁ ମନୋଜ ରାଷ୍ଟ୍ରପତି ପୁରସ୍କାର ପାଇଛନ୍ତି । ଖାଲି ସେତିକି ନୁହେଁ ସେ ଜଣେ ଏନସିସିର ଛାତ୍ର ଅଟନ୍ତି । ଏଥିପାଇଁ ରାଷ୍ଟ୍ରପତିଙ୍କ ଠାରୁ ପୁରସ୍କାର ପାଇଥିଲେ । ଛୋଟବେଳୁ ତାଙ୍କ କ୍ରିକେଟ ଖେଳ ଓ ଗୀତ ଗାଇବା ବେଶ୍ ପସନ୍ଦ ଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
