ମାଙ୍ଗାଲୁରୁ: ଏୟାର ଇଣ୍ଡିଆ ଏକ୍ସପ୍ରେସର ଏକ ବିମାନ ରବିବାର ବଡ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି । ବିମାନଟି ଲ୍ୟାଣ୍ଡ କରିବା ସମୟରେ ନିୟନ୍ତ୍ରଣ ହରାଇ ରନୱେରୁ ବାହାରକୁ ଚାଲିଯାଇଥିଲା । ତେବେ ଦୁର୍ଘଟଣା ପରେ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ବିମାନରୁ ବାହାର କରାଯାଇଛି ।
ଦୁବାଇରୁ ମାଙ୍ଗାଲୁରୁ ଆସୁଥିବା ଏୟାର ଇଣ୍ଡିଆ ଏକ୍ସପ୍ରେସ ଆଇଏକ୍ସ384 ସନ୍ଧ୍ୟା ପ୍ରାୟ 5 ଟା 40 ସମୟରେ ରନୱେରୁ ବାହାରକୁ ଚାଲିଯାଇ ଘାସରେ ଫସିଯାଇଥିଲା । ତେବେ ଦୁର୍ଘଟଣାରେ ସମସ୍ତ ଯାତ୍ରୀ ସୁରକ୍ଷିତ ଥିବା ଏୟାର ଇଣ୍ଡିଆ ଏକ୍ସପ୍ରେସର ମୁଖପାତ୍ର କହିଛନ୍ତି । ସେପଟେ ବିମାନର ଇଞ୍ଜିନିୟର ଘଟଣାର ତଦନ୍ତ ଜାରି ରଖିଛନ୍ତି ।
