ନୂଆଦିଲ୍ଲୀ: ମାଙ୍କଡକୁ ହସ୍ପିଟାଲ ନେଲେ ପୂର୍ବତନ କେନ୍ଦ୍ରମନ୍ତ୍ରୀ ମେନକା ଗାନ୍ଧୀ । ସୋସିଆଲ ମିଡିଆରେ ମାଙ୍କଡର ଅସୁସ୍ଥତା ସମ୍ପର୍କରେ ପାଇଲେ ଖବର । ଆଉ ତା ପରେ ସହଯୋଗର ହାତ ବଢେଇଥିଲେ ମେନକା ଗାନ୍ଧୀ ।
ସୂଚନା ଅନୁସାରେ, ଜଣେ ସାମ୍ବାଦିକା ରାଜଧାନୀର ରାଇସିନା ରୋଡରେ ପଡି ଯନ୍ତ୍ରଣାରେ ଛଟପଟ ହେଉଥିବା ମାଙ୍କଡର ଫଟୋ ସୋସିଆଲ ମିଡିଆରେ ପୋଷ୍ଟ କରି କୌଣସି ଏନଜିଓ ମାଙ୍କଡର ରକ୍ଷା କରନ୍ତୁ ବୋଲି ଲେଖି ମେନକା ଗାନ୍ଧୀଙ୍କୁ ଟ୍ୟାଗ କରିଥିଲେ।
ଏହି ଖବର ପାଇଁ ମେନକା କାର ପଠାଇ ମାଙ୍କଡକୁ ଉଦ୍ଧାର କରିବା ସହ ସଞ୍ଜୟ ଗାନ୍ଧୀ ଆନିମଲ କେୟାର ସେଣ୍ଟରକୁ ଚିକିତ୍ସା ପାଇଁ ନିଆଯିବ ବୋଲି ଟ୍ବିଟରରେ ଉତ୍ତର ରଖିଥିଲେ। ତେବେ ଘଣ୍ଟାଏ ଭିତରେ ଘଟଣାସ୍ଥଳରେ କାର ପହଞ୍ଚି ମାଙ୍କଡଟିକୁ ଉଦ୍ଧାର କରି ହସ୍ପିଟାଲ ନେଇଥିଲା ।
