ଲକ୍ଷ୍ନୌ: ମଦ ପାଇଁ ଗଲା ସ୍ତ୍ରୀର ଜୀବନ । ମଦୁଆ ସ୍ବାମୀ ମଦ ପିଇବା ପାଇଁ ପଇସା ମାଗିଲା ହେଲେ, ସ୍ତ୍ରୀ ନ ଦେବାରୁ ହତ୍ୟା କଲା ସ୍ବାମୀ। ଏଭଳି ଅଭାବନୀୟ ଘଟଣା ଘଟିଛି ଉତ୍ତରପ୍ରଦେଶ ଫାରୁଖାବାଦ ଜିଲ୍ଲାର ବାମରୁଲିଆ ଗାଁରେ। ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, 6 ବର୍ଷ ତଳେ ପ୍ରଶାନ୍ତ ଲକ୍ଷ୍ମୀଦେବୀଙ୍କୁ ବିବାହ କରିଥିଲେ । ଆଉ ତାଙ୍କର 5 ବର୍ଷର ଗୋଟିଏ ପୁଅ ଓ 3ବର୍ଷର ଗୋଟିଏ ଝିଅ ମଧ୍ୟ ରହିଛି । ହେଲେ ପ୍ରଶାନ୍ତ ଜଣେ ନିଶାଡି ହୋଇଥିବାରୁ ପ୍ରତ୍ୟକ ଦିନ ମଦ ପିଇବା ପାଇଁ ନିଜ ସ୍ତ୍ରୀକୁ ଟଙ୍କା ମାଗନ୍ତି। ସ୍ତ୍ରୀ ଟଙ୍କା ନ ଦେବାରୁ ତାଙ୍କୁ ମାରଧର ବି କରନ୍ତି । ହେଲେ, ଗୁରୁବାର ପ୍ରଶାନ୍ତ ପତ୍ନୀଙ୍କୁ ମଦ ପିଇବା ପାଇଁ ଟଙ୍କା ମାଗିଥିଲେ । ପଇସା ନ ଦେବାରୁ ପାଖରେ ଥିବା ଅଳଙ୍କାରକୁ ମଧ୍ୟ ମାଗିଥିଲେ । ହେଲେ ସେ ନ ଦେବାରୁ ତାଙ୍କୁ ମାଡ ମାରିଥିଲେ । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିବା ନଓ୍ବାବଗଞ୍ଜ ଥାନା ଅଧିକାରୀ କହିଛନ୍ତି ।
ସୌଜନ୍ୟ @ IANS
