ନୂଆଦିଲ୍ଲୀ: ଶିକାରୀ ସାମ୍ନାକୁ ନିଜେ ଡେଇଁଲା ଶିକାର । ମାରିବାକୁ ଦେଲା ସୁଯୋଗ । ହେଲେ ମାରିଲାନି ସିଂହ । ଏନକ୍ଲୋଜର ଭିତରେ ଜୀଅନ୍ତା ମଣିଷକୁ ଦେଖି ଚୁପ ସିଂହ । ଏପଟେ ଏନକ୍ଲୋଜରକୁ ଡେଇଁଥିବା ଯୁବକ ମଧ୍ୟ ସିଂହ ଆଗରେ ବସିରହିଥିଲେ । ଏହି ଦୃଶ୍ୟ ଦେଖି ଚିଡିଆଖାନା ବାହାରେ ବୁଲୁଥିବା ଲୋକେ ବି ତାଜୁବ । ଦିଲ୍ଲୀ ଚିଡିଆଖାନାର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସିଂହ ଖୁଆଡରେ ମଣିଷ
ତେବେ ଯୁବକଙ୍କୁ ଅକ୍ଷତ ଅବସ୍ଥାରେ ଉଦ୍ଧାର କରାଯାଇଛି । ଏହି ଯୁବକଙ୍କ ନାଁ ରେହାନ ଖାନ ( 28) । ବିହାର ବାସିନ୍ଦା ରେହାନ ଜଣେ ମାନସିକ ବିକାରଗ୍ରସ୍ଥ ବୋଲି ଡିସିପି ସୂଚନା ଦେଇଛନ୍ତି ।
