ମୁମ୍ବାଇ: କୋରୋନା ଜାଲରେ ମହାରାଷ୍ଟ୍ର । ରାଜ୍ୟର ବିଭିନ୍ନ ସହରକୁ ବ୍ୟାପିଚାଲିଛି ଏହି ଭୂତାଣୁ । ବର୍ତ୍ତମାନସୁଦ୍ଧା ଏଥିରେ 52 ଜଣ ଆକ୍ରାନ୍ତ ହୋଇଥିବା ବେଳେ ଜଣଙ୍କର ମୃତ୍ୟୁ ଘଟିଛି । ତେଣୁ ଲୋକଙ୍କ ମନରେ ଭରି ରହିଛି ଭୟ । ଫଳରେ କୋହ୍ଲାପୁରେ ଘଟିଛି ଏକ ଅଜବ ଘଟଣା । ଜଣେ ବାଇକ ଚାଳକଙ୍କୁ ଘୋଷାଡି ଘୋଷାଡି ମାରୁଥିବା ଦୃଶ୍ୟ ଦେଖିବାକୁ ମିଳିଛି ।
କାରଣ ସର୍ବସାଧାରଣ ସ୍ଥାନରେ ସେ ଛିଙ୍କି ଦେଲେ । କୋହ୍ଲାପୁର ଗୁଜାରୀ ଅଞ୍ଚଳରେ ଘଟିଛି ଏହି ଘଟଣା । ଘଟଣାର ସମସ୍ତ ଦୃଶ୍ୟ ରାସ୍ତାରେ ଲାଗିଥିବା ସିସିଟିଭିରେ କଏଦ ହୋଇରହିଛି । ବ୍ୟକ୍ତି ଜଣକ ରାସ୍ତାରେ ଯାଉଥିବା ବେଳେ ହଠାତ ଛିଙ୍କି ଦେଇଥିଲେ। ଫଳରେ ତାଙ୍କୁ ଅନ୍ୟ ଜଣେ ପଥଚାରୀ ଅଟକାଇ ବିନା ରୁମାଲରେ କାହିଁକି ଛିଙ୍କିଲେ ବୋଲି ପ୍ରଶ୍ନ କରିଥିଲେ ।
ଏହାପରେ ବ୍ୟକ୍ତିଙ୍କ ସହ କିଛି ଲୋକଙ୍କ ହାତାହାତି ହୋଇଥିଲେ । ଛିଙ୍କିବା ଦ୍ବାରା କୋରୋନା ବ୍ୟାପୁଥିବା ନେଇ ଲୋକଙ୍କ ଭିତରେ ଥିବା ଭୟ ଯୋଗୁଁ ଏପରି ଘଟଣା ସାମନାକୁ ଆସୁଛି । ରାସ୍ତା ମଝିରେ ଏପରି ଘଟଣା ପରେ କିଛି ଘଣ୍ଟା ପର୍ଯ୍ୟନ୍ତ ଟ୍ରାଫିକ ଜାମ ରହିଥିଲା ।
