ଗାନ୍ଧୀନଗର: ଗୁଜୁରାଟର ଦହେଜରେ ଥିବା ଏକ ରାସାୟନିକ କାରଖାନାରେ ବଡ ଧରଣର ବିସ୍ଫୋରଣ । ଏଥିରେ 5 ଶ୍ରମିକ ପ୍ରାଣ ହରାଇଥିବା ବେଳେ 40 ଆହତ ହୋଇଛନ୍ତି । ଏହି ବିସ୍ଫୋରଣ ଦହେଜ ଶିଳ୍ପାଞ୍ଚଳରେ ଅବସ୍ଥିତ ଏକ କାରଖାନାରେ ଘଟିଛି । ବିସ୍ଫୋରଣ ଫଳରେ ଭୟଙ୍କର ନିଆଁ ଲାଗିଛି କାରଖାନାରେ । ନିଆକୁ ଆୟତ୍ତ କରିବା ପାଇଁ 10 ଟି ଅଗ୍ନିଶମ ବାହିନୀ ଗାଡି ନିୟୋଜିତ ଅଛନ୍ତି । ଭରୁଚ ଜିଲ୍ଲାର ଜଣେ ଅଧିକାରୀ କହିଛନ୍ତି ଯେ ରାସାୟନିକ ଅଗ୍ନି ବିଷାକ୍ତ ଥିବାରୁ କାରଖାନା ନିକଟ ଗାଁର ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି ।
କାରଖାନାର ବିସ୍ଫୋରଣ ଭିଡିଓରେ ଏକ ବଡ଼ ଆକାରରେ ଧୂଆଁ ଉପରକୁ ଉଠିବାର ଦେଖାଯାଉଛି । ଏଥିରୁ ବିସ୍ଫୋରଣର ଭୟାଭୟତା ସ୍ପଷ୍ଟ ଅନୁମେୟ ହେଉଛି । ଭରୁଚ କଲେକ୍ଟର ଏମଡି ମୋଡିଆ କହିଛନ୍ତି ଯେ ଅପରାହ୍ନରେ ଏକ ଏଗ୍ରୋ-କେମିକାଲ୍ କମ୍ପାନୀ ବ୍ରଏଲରେରେ ବିସ୍ଫୋରଣ ହେବା ପରେ ପ୍ରାୟ 35-40 କର୍ମଚାରୀ ଆହତ ଯାଇଥିଲେ । ସମସ୍ତ ଆହତଙ୍କୁ ଭାରୁଚର ଡାକ୍ତରଖାନା ନିଆଯାଇଛି ଏବଂ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରହିଛି ।
ନିଆଁ ସମଗ୍ର କାରଖାନାରେ ବ୍ୟାପିଛି । ଫଳରେ ରାସାୟନିକ କାରଖାନା ନିକଟରେ ଥିବା ଦୁଇଟି ଗାଁର ବାସିନ୍ଦାଙ୍କୁ ହଟାଇ ଦିଆଯାଇଛି । ଏହି କେମିକାଲ୍ କାରଖାନା ମେଜର ଯଶସ୍ବୀ କେମିକାଲ୍ସ ପ୍ରାଇଭେଟ ଲିମିଟେଡର ଅଟେ । ଯାହା ଶିଳ୍ପରେ ବ୍ୟବହାର ପାଇଁ 15 ରୁ ଅଧିକ ରାସାୟନିକ ପଦାର୍ଥ ଉତ୍ପାଦନ କରିଥାଏ | ଅଗ୍ନି ସ୍ରୋତ ନିକଟବର୍ତ୍ତୀ ଅଞ୍ଚଳରେ ରାସାୟନିକ ଅଗ୍ନିକାଣ୍ଡ ବିଶେଷ ବିପଜ୍ଜନକ କାରଣ ବିଷାକ୍ତ ଗ୍ୟାସ ବହୁଳ ଭାବରେ ବିସ୍ତାରିତ ହୋଇଥାଏ ।
ପ୍ରକାଶ ଯେ, ଗତ ମାସରେ ଆନ୍ଧ୍ରପ୍ରଦେଶର ବିଶାଖାପାଟନମ୍ ଜିଲ୍ଲାର ଏଲଜି ପଲିମର ଇଣ୍ଡିଆର ଏକ କାରଖାନାରେ ବିଷାକ୍ତ ଗ୍ୟାସ୍ ଲିକରେ 11 ଜଣଙ୍କର ମୃତ୍ୟୁ ହୋଇଥିଲା ।
