ମୁମ୍ବାଇ: ଦେଶରେ ପ୍ରତ୍ୟେକ ଦିନ ହୁ ହୁ ହୋଇ ବଢିଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ମହାରାଷ୍ଟ୍ରର ସ୍ଥିତି ସବୁଠାରୁ ସଙ୍ଗୀନ ହୋଇପଡିଛି । ଏନେଇ ସମସ୍ତ ପ୍ରକାରର ପ୍ରସ୍ତୁତି ମଧ୍ୟ କରୁଛନ୍ତି ସରକାର । ତେବେ ଏନେଇ ଆଜି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧଭ ଠାକରେ ମେଡିକାଲ କ୍ଷେତ୍ର ସମ୍ପୃକ୍ତ ଥିବା ଅବସରପ୍ରାପ୍ତ ସେନା ଅଧିକାରୀଙ୍କୁ କାର୍ଯ୍ୟରେ ଯୋଗ ଦେବାକୁ ନିବେଦନ କରିଛନ୍ତି ।
ଏହାସହ ସେ କହିଛନ୍ତି ଯେ, ଯେଉଁ ନର୍ସ, ୱାର୍ଡ ବଏ ମାନଙ୍କର ଟ୍ରେନିଂ ସରିଛି କିନ୍ତୁ କୌଣସି କାରଣ ହେତୁ କାର୍ଯ୍ୟରେ ଯୋଗ ଦେଇ ନାହାନ୍ତି ସେମାନେ ମଧ୍ୟ କାର୍ଯ୍ୟ ଯୋଗ ଦେଇପାରିବେ । ମାହାରାଷ୍ଟ୍ରକୁ ଆପଣଙ୍କର ଦରକାର ଅଛି । ଏହି ଘଡିସନ୍ଧି ମୂହୂର୍ତ୍ତରେ ସହଯୋଗ କରିବାକୁ ନିବେଦନ କରିଛନ୍ତି ମୁଖ୍ୟମନ୍ତ୍ରୀ ।
ଏହାସହ ମୁଖ୍ୟମନ୍ତ୍ରୀ କହିଛନ୍ତି ଯେ, ଯେଉଁମାନେ ଇଚ୍ଛୁକ ସେମାନେ ଆମକୁ covidyodha@gmail.com ମାଧ୍ୟମରେ ଯୋଗାଯୋଗ କରି ପାରିବେ । ଏହି ମେଲ୍ ଆଇଡିରେ କୌଣସି ଅଭିଯୋଗ ଗ୍ରହଣ କରାଯିବ ନାହିଁ । ଏହା ଅଭିଯୋଗ କରାଯିବା ପାଇଁ ନୁହେଁ ବୋଲି ସେ ସ୍ପଷ୍ଟ କରିଛନ୍ତି ।
@ANI
