ନୂଆଦିଲ୍ଲୀ: ଆଜି ପୂର୍ବତନ କେନ୍ଦ୍ରମନ୍ତ୍ରୀ ତଥା ଭାରତୀୟ ଜନସଙ୍ଘର ପ୍ରତିଷ୍ଠାତା ଶ୍ୟାମା ପ୍ରସାଦ ମୁଖାର୍ଜୀଙ୍କ ଜୟନ୍ତୀ । ଏପଟେ ସଂସଦର ସେଣ୍ଟ୍ରାଲ ହଲରେ ଶ୍ରଦ୍ଧାଞ୍ଜଳୀ ଦେଲେ ବାଚସ୍ପତି ଓମ ପ୍ରକାଶ ବିର୍ଲା ।
ସୂଚନା ଅନୁସାରେ, ଶ୍ୟାମ ପ୍ରସାଦ ମୁଖାର୍ଜୀ 1901 ମସିହା ଜୁଲାଇ 1 ତାରିଖରେ ଜନ୍ମ ଗ୍ରହଣ କରିଥିଲେ । ସେ ରାଜନୀତି ଦୁନିଆରେ ପାଦ ଦେବା ପୂର୍ବରୁ ପେସାରେ ଜଣେ ଓକିଲ ଓ ଏକାଡେମିସିଆନ ଭାବେ କାର୍ଯ୍ୟରତ ଥିଲେ ।
ଏହାସହ ଶ୍ୟାମ ପ୍ରସାଦ ମୁଖାର୍ଜୀ 1951 ମସିହାରେ ଭାରତୀୟ ଜନସଙ୍ଘ ପ୍ରତିଷ୍ଠା କରିଥିଲେ । 1977 ମସିହାରେ ଏହା ଜନତା ପାର୍ଟି ସହ ମିଶ୍ରଣ ହୋଇଥିଲା । ଯାହାକୁ 1980 ମସିହାରେ ଭାରତୀୟ ଜନତା ପାର୍ଟିରେ ପରିଗଣିତ କରାଯାଇଥିଲା ।
