ନୂଆଦିଲ୍ଲୀ: ନ୍ୟାସନାଲ କନଫେରେନ୍ସ ନେତା ଫାରୁକ ଅବଦୁଲ୍ଲା ସଂସଦରେ ସରକାରଙ୍କୁ ଘେରିବା ସହିତ ଚାଷୀଙ୍କ କଥା ଶୁଣିବାକୁ ଅନୁରୋଧ କରିଛନ୍ତି । ସେ କହିଛନ୍ତି ଭଗବାନ ରାମ ସମସ୍ତଙ୍କର ଅଟନ୍ତି । ଯଦି ଆହ୍ଲା ଓ ଭଗବାନଙ୍କ ମଧ୍ୟରେ ବିଭେଦ ସୃଷ୍ଟି କରାଯିବ ତେବେ ଦେଶ ଭାଙ୍ଗିଯିବ ବୋଲି କହିଛନ୍ତି ଅବଦୁଲ୍ଲା ।
ସରକାରଙ୍କୁ ଟାର୍ଗେଟ କରି ଫାରୁକ ଅବଦୁଲ୍ଲା କହିଛନ୍ତି, ଭଗବାନ ଓ ଆହ୍ଲା ଏକ । ଯଦି ବିଭେଦ ସୃଷ୍ଟି କରିବା ତାହେଲେ ଦେଶ ଭାଙ୍ଗିଯିବ । ଯଦି ଆମେ କୌଣସି ଭୁଲ କରିଛୁ ତେବେ ଆମେ ତାହାକୁ ସୁଧାରିବୁ । ସେହିପରି ଯଦି ଆମେ ଭୁଲ କରିବୁ ତାହେଲେ ଆପଣ ଆମକୁ ସୁଧାରିବେ । ଏହିପରି ଭାବରେ ଦେଶ ଚାଲିଥାଏ ।
ଅବଦୁଲ୍ଲା କହିଛନ୍ତି, ଆଜି ଆପଣ ଆମକୁ ପାକିସ୍ତାନୀ ଆଉ ଖାଲିସ୍ତାନୀ କହୁଛନ୍ତି । ହେଲେ ମୋତେ ଏଇଠି ମରିବାର ଅଛି ଆଉ ଏଇଠି ବଞ୍ଚିବାର ଅଛି । ମୁଁ କାହାକୁ ଭୟ କରେନି । ମୋତେ କେବଳ ଉପରବାଲାଙ୍କୁ ଉତ୍ତର ଦେବାର ଅଛି ବୋଲି କହିଛନ୍ତି ଅବଦୁଲ୍ଲା ।
ଫାରୁକ୍ ଅବଦୁଲ୍ଲା ଗୁରୁତ୍ବାରୋପ କରିଛନ୍ତି, ରାମ ହେଉଛନ୍ତି ସାରା ବିଶ୍ବର। ଯଦି ସେ ଦୁନିଆର ରାମ, ତେବେ ଆମ ସମସ୍ତଙ୍କର ରାମ । ସେହିପରି କୋରାନ ଓ ବାଇବଲ ମଧ୍ୟ ସମସ୍ତଙ୍କର ବୋଲି କହିଛନ୍ତି ଫାରୁକ ଅବଦୁଲ୍ଲା ।
