ନୂଆଦିଲ୍ଲୀ: ରାତି ପାହିଲେ ଦେଶ ପାଳିବ 71ତମ ଗଣତନ୍ତ୍ର ଦିବସ । ଏଥିପାଇଁ ପ୍ରସ୍ତୁତି ଜୋରଦାର ଚାଲିଥିବା ବେଳେ ଘୋଷଣା ହୋଇଛି ବୀରତ୍ବ ପୁରସ୍କାର । ଉଲ୍ଲେଖନୀୟ କାର୍ଯ୍ୟ ପାଇଁ 4 ଜଣଙ୍କୁ ମିଳିବ ରାଷ୍ଟ୍ରପତି ପୋଲିସ ପଦକ । ସେହିପରି 286 ଜଣଙ୍କୁ ବୀରତ୍ବ ପୁରସ୍କାର ମିଳିବାକୁ ଥିବାବେଳେ 93ଜଣଙ୍କୁ ବିଶିଷ୍ଟ ସେବା ପୋଲିସ ପ୍ରଦାନ କରାଯିବ । କେବଳ ସେତିକି ନୁହେଁ ଶ୍ରେଷ୍ଠ ସେବା ପାଇଁ 657ଜଣଙ୍କୁ ମିଳିବ ପୋଲିସ ପଦକ ।
ତେବେ ବୀରତ୍ବ ପଦକ ପାଇବାରେ ସବୁଠୁ ଆଗରେ ରହିଛି ଜମ୍ମୁ ଓ କାଶ୍ମୀର । ଜମ୍ମୁ ଓ କାଶ୍ମୀରକୁ ମିଳିବ 108ଟି ପୋଲିସ ପଦକ । ଏହାବ୍ୟତିତ ସିଆରପିଏଫକୁ 76ଟି ପଦକ ମିଳିବ । ସୂଚନା ଅନୁସାରେ, ଲେଫ୍ଟନାଣ୍ଟ ଜେନେରାଲ ରଣବୀର ସିଂହଙ୍କ ସମେତ 19 ଜଣ ଅଧିକାରୀ ପାଇବେ ପରମ ବିଶିଷ୍ଟ ସେବା ମେଡାଲ ।
ଜମ୍ମୁ ଓ କାଶ୍ମୀର ପୋଲିସର ବିରତ୍ବ ପାଇଁ 105 ପୋଲିସ ପଦକ ସହ 3 ପିପିଏମଜି ପଦକ ମିଳିବ । ଏହାପରେ କେନ୍ଦ୍ରୀୟ ରିଜର୍ଭ ପୋଲିସକୁ 75 ପିଏମଜି ମିଳିବ । ତେବେ ଚଳିତ ବର୍ଷ ସର୍ବମୋଟ 1040ଜଣଙ୍କୁ ପୋଲିସ ପଦକ ଦିଆଯିବ ।
