ନୂଆଦିଲ୍ଲୀ: ଭାରତୀୟ ଜୀବନ ବୀମା ନିଗମ(LIC) ଅଂଶଧନ ବିକ୍ରି କରିବା ନିଷ୍ପତ୍ତିକୁ କଡା ବିରୋଧ କରିଛନ୍ତି କର୍ମଚାରୀ । ସରକାରଙ୍କ ଏହି ନିଷ୍ପତ୍ତିକୁ ବିରୋଧ କରି ଏଲଆଇସି କର୍ମଚାରୀ ଫେବୃଆରୀ 4ରେ ଦେଶବ୍ୟାପୀ ଆନ୍ଦୋଳନ କରିବେ। ଏହି ଆନ୍ଦୋଳନ ଦିନ 12ଟାରୁ 1ଟା ଯାଏଁ ହେବ, ଏହାପରେ ବିରୋଧ ପ୍ରଦର୍ଶନ କରାଯିବ ।
କୋଲକାତା ଡିଭିଜନର ଉପାଧ୍ୟକ୍ଷ ପ୍ରଦୀପ ମୁଖାର୍ଜୀ ଏନେଇ ମତ ରଖିଛନ୍ତି । ଏହାସହ ସମସ୍ତ ସାଂସଦଙ୍କ ପାଖକୁ ଯାଇ ବିରୋଧ କରିବେ ବୋଲି ଜଣାଇଛନ୍ତି ସେ । ଶନିବାର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ 2020-21 ଉପସ୍ଥାପନା କରିଥିଲେ । ଏଥିରେ ମୁଖ୍ୟ ପ୍ରସଙ୍ଗ ମଧ୍ୟରେ LIC ଘରୋଇ କରଣ କରିବା କଥା ଉଲ୍ଲେଖ କରିଥିଲେ।
ଏଲଆଇସି ଦେଶର ସବୁଠାରୁ ବଡ ବୀମା କମ୍ପାନୀ । ଦେଶର ପ୍ରାୟ ତିନି ଚତୁର୍ଥାଶଂ ଲୋକ ଏଲଆଇସି ଉପରେ ବିଶ୍ବାସ ରଖନ୍ତି ଓ ବୀମା କରାନ୍ତି ।
