ମୁମ୍ବାଇ: ଆଜି ହେଉଛି ଗଣେଶ ଚତୁର୍ଥୀ । ପ୍ରତ୍ୟେକ ବର୍ଷ ଏହି ଅବସରରେ ମହାରାଷ୍ଟ୍ରର ରାଜଧାନୀ ମୁମ୍ବାଇରେ ଥିବା ଲାଲବାଗଚା ରାଜା ଗଣପତି ମଣ୍ଡଳରେ ସବୁଠୁ ବଡ ମୂର୍ତ୍ତି ସ୍ଥାପନା କରାଯାଇ ଅତି ଧୂମ ଧାମରେ ପାଳନ କରାଯାଇଥାଏ ।
ଚଳିତ ବର୍ଷ ପୂଜା ମଣ୍ଡଳ ପକ୍ଷରୁ କୋରୋନା କାରଣରୁ ଏଠାରେ ବଡ ମୂର୍ତ୍ତି ପରିବର୍ତ୍ତେ ଛୋଟ ମୂର୍ତ୍ତି ରଖାଯାଇ ପୂଜା କରାଯାଉଛି । ଏହି ଅବସରରେ 'ଆରୋଗ୍ୟ ଉତ୍ସବ' ପାଳନ କରାଯାଇ ରକ୍ତ ଏବଂ ପ୍ଲାଜମା ଦାନ ଶିବିର ଖୋଲା ଯାଇଛି ।
ମଣ୍ଡଳର ସଭାପତି କହିଛନ୍ତି ଯେ, କୋଭିଡ-19 ହେତୁ ରାଜ୍ୟ ସରକାରଙ୍କ ଆଦେଶକୁ ପାଳନ କରି ଆମେ ଗଣେଶ ପେଣ୍ଡାଲ ବଦଳରେ ଏହି ଶିବିର ପରିଚାଳନା କରୁଛୁ । ଯାହାଦ୍ବାରା କୋରୋନା ପରି ସଙ୍କଟ ସମୟରେ ଲୋକଙ୍କ ହିତରେ ଏହା ଲାଗିପାରିବ ।
