ନୂଆଦିଲ୍ଲୀ: କୋଭିଡ-19 ମହାମାରୀ ରୂପ ନେବା ପରେ ବିଶ୍ବର ଅଧିକାଂଶ ଦେଶ ଏହାର ସାମ୍ନା କରୁଛି । ଚୀନର ଉହାନରୁ ଆସିଥିବା ଏହି କୋରୋନା ଭାଇରସ ବିଶ୍ବର ଅଧାଦେଶକୁ ଗ୍ରାସ କରିସାରିଲାଣି । ହେଲେ ଯେତେବେଳେ ଏହି ଭୂତାଣୁ ଭାରତ ଆଡକୁ ଅଗ୍ରସର ହେଲା ସେତେବେଳେ କେନ୍ଦ୍ର ସରକାର ତୁରନ୍ତ ସାରା ଦେଶକୁ ଲକଡାଉନ ଘୋଷଣା କଲେ । ଏହାସତ୍ତ୍ବେ ଦିଲ୍ଲୀର ତବଲିଗୀ ଜମାତରେ ଆୟୋଜିତ କାର୍ଯ୍ୟକ୍ରମ ଯୋଗୁଁ କୋରୋନା ଏବେ ଦ୍ରୁତ ଗତିରେ ନିଜର କାୟା ବିସ୍ତାର କରିବାରେ ଲାଗିଛି । ଏହାରି ଭିତରେ ଭାରତର ଅଧା ରାଜ୍ୟରେ ଏହି କୋରୋନା ଭାଇରସ ବ୍ୟାପିବ ସାରିଛି ।
ହେଲେ ସମ୍ପ୍ରତିରେ ଏକ ରିପୋର୍ଟ ଆସିଛି ଯେଉଁଥିରେ ଉଲ୍ଲେଖ ଅଛି ଯେ 15ଟି ରାଜ୍ୟର 25 ଜିଲ୍ଲାରେ କୋରୋନାର ପ୍ରଭାବ ପଡିନାହିଁ । ଅର୍ଥାତ ଏହି 25ଟି ଜିଲ୍ଲାରେ କୋରୋନାର ନୂତନ ମାମଲା ସାମ୍ନାକୁ ଆସିନାହିଁ । ସୋମବାର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଏହାର ସୂଚନା ଦେଇଛନ୍ତି ।
@IANS
