କୋଲକାତା: ପାଖେଇ ଆସୁଛି ଶାରଦୀୟ ଦୁର୍ଗାପୂଜା । ଆଉ ଦିନ କେଇଟା ପରେ ଧରାବତରଣ କରିବେ ମାଆ ଦୁର୍ଗା । ଏଥିପାଇଁ ଚଳଚଞ୍ଚଳ ରାଜ୍ୟ ଠୁ ସହର, ପଲ୍ଲୀ ଠୁ ଦିଲ୍ଲୀ । ଆଶିଷ ଲାଭ କରିବାକୁ ଭକ୍ତ ମାଆଙ୍କ ଆଗମନକୁ ଅନାଇ ବସିଛି । ଅନ୍ୟପଟେ ବିଭିନ୍ନ ସ୍ଥାନରେ ତୋରଣ କାମ ଠାରୁ ଆରମ୍ଭ କରି ମୂର୍ତ୍ତି କାମ ଶେଷ ପର୍ଯ୍ୟାୟରେ ପହଞ୍ଚିଲାଣି । ତେବେ ମାଆଙ୍କ ଆଗମନ ପାଇଁ ନବବଧୂ ପରି ସଜେଇ ହେଲାଣି କୋଲକାତା ।
ବିଶ୍ବ ପ୍ରସିଦ୍ଧି ଲାଭ କରିଥିବା କୋଲକାତାର ଦୁର୍ଗାପୂଜା ପାଇଁ ସେଠାକାର ମାହୋଲ ଏବେଠାରୁ ଦେଖିବାକୁ ମିଳିଲାଣି । ତେବେ କୋଲକାତାର ସବୁଠାରୁ ଆକର୍ଷଣର କେନ୍ଦ୍ରବିନ୍ଦୁ ପାଲଟିବ 20 କୋଟିର ମାଆଙ୍କ ମୃଣ୍ମୟୀ ମୂର୍ତ୍ତି । ଏହି ମୂର୍ତ୍ତି ସମ୍ପୂର୍ଣ୍ଣ ସୁନାରେ ତିଆରି କରାଯାଉଛି ।
ପାଖାପାଖି ଏହି ମୂର୍ତ୍ତିରେ 50 କିଲୋ ସୁନାକୁ ବ୍ୟବହାର କରାଯିବ । ସେଥିପାଇଁ 20 କୋଟିର ବଜେଟ ରଖାଯାଇଛି । କାମ ଶେଷ ପର୍ଯ୍ୟାୟରେ ପହଞ୍ଚିସାରିଛି । ତେବେ ଏହି ମୂର୍ତ୍ତିର ଉଚ୍ଚତା 13 ମିଚର ରହିଥିବା ପୂଜା କମିଟିର ସଦସ୍ୟ ସୂଚନା ଦେଇଛନ୍ତି ।
