କୋଲକାତା: ଭିକଟୋରିଆ ମେମୋରିଆଲରେ ଉଡିଲା ଡ୍ରୋନ । ସେ ପୁଣି ଚୀନର ଡ୍ରୋନ । ଜଣେ ଚୀନ ପର୍ଯ୍ୟଟକ ଏହି ଡ୍ରୋନକୁ ଉଡାଇଥିବା ଅଭିଯୋଗରେ ତାଙ୍କୁ ଗିରଫ କରିଛି ପୋଲିସ । କୋଲକାତା ଭିକ୍ଟୋରିଆ ମେମୋରିଆଲ ନିକଟରେ ଥିବା ୱିଲିୟମ ଦୁର୍ଗରେ ଭାରତୀୟ ସେନାଙ୍କ ଶିବିର ରହିଛି । ଏହି ଦୁର୍ଗର 3 କିମି ଦୂରତାରେ ଡ୍ରୋନଟି ଉଡୁଥିଲା ।
ସେନା ଶିବିର ନିକଟରେ ଡ୍ରୋନ ଉଡିବା ସମ୍ପୂର୍ଣ୍ଣ ଭାବେ ବ୍ୟାନ କରାଯାଇଛି । ତେବେ ଚୀନ ପର୍ଯ୍ୟଟକ ଏହି ଡ୍ରୋନ ଉଡାଉଥିବା ନେଇ ତାଙ୍କୁ ଗିରଫ କରାଯାଇଛି । ଚୀନ ପ୍ରର୍ଯ୍ୟଟକ ଲି ଜିୱି ଏହି ଡ୍ରୋନକୁ ନିଜର ଆଇଫୋନ ମୋବାଇଲରୁ ଅପରେଟ କରୁଥିଲେ । ସେ କେବଳ ପର୍ଯ୍ୟଟନସ୍ଥଳୀର ଫଟୋ ଉଠାଇବା ପାଇଁ ଏହି ଡ୍ରୋନର ବ୍ୟବହାର କରିଥିବା କହିଛନ୍ତି ।
ଏହି ଜୋନରେ ଡ୍ରୋନ ଉଡାଇବା ବ୍ୟାନ ବୋଲି ତାଙ୍କ ନିକଟରେ କୌଣସି ସୂଚନା ନଥିଲା । ତେବେ ପୋଲିସ ହେପାଜତରେ ରହିବା ପରେ ତାଙ୍କୁ କୋର୍ଟ ଚାଲାଣ କରାଯାଇଛି । ଉଭୟ ପକ୍ଷରୁ ଶୁଣିବା ପରେ ଆସନ୍ତା 25 ରେ ଶୁଣାଣି କରିବେ କୋର୍ଟ ।
