ଥିରୁଅନନ୍ତପୁରମ୍: କେରଳ ହାଇକୋର୍ଟ ବୁଧବାର ଅନଲାଇନ୍ ରମି ମାମଲାର ବ୍ରାଣ୍ଡ ଆମ୍ବାସଡରଙ୍କୁ ନୋଟିସ୍ ପଠାଇଛନ୍ତି । କ୍ରିକେଟର ବିରାଟ କୋହଲି, ଚଳଚ୍ଚିତ୍ର ଅଭିନେତ୍ରୀ ତମନ୍ନା ଭାଟିଆ ଏବଂ ମାଲାୟାଲମ ଅଭିନେତା ଅଜୁ ଭାର୍ଗସେଙ୍କଠାରୁ କୋର୍ଟ ସ୍ପଷ୍ଟୀକରଣ ମାଗିଛନ୍ତି। ସେମାନଙ୍କୁ 10 ଦିନ ମଧ୍ୟରେ ସ୍ପଷ୍ଟୀକରଣ ଦେବାକୁ କୁହାଯାଇଛି । ଇଣ୍ଟରନେଟ ଜୁଆ ସମ୍ପର୍କରେ କେରଳ ହାଇକୋର୍ଟ ରାଜ୍ୟ ସରକାରଙ୍କୁ ନୋଟିସ ପଠାଇଛନ୍ତି ।
ଓକିଲ ପାଉଲି ଭଡାକକାନ୍ ଏକ ଅଭିଯୋଗ ଦାଖଲ କରିବା ପରେ ହାଇକୋର୍ଟ ଏହି ମାମଲାରେ ହସ୍ତକ୍ଷେପ କରିଥିଲେ। ସେ ଏହା ମଧ୍ୟ ସୂଚାଇ ଦେଇଛନ୍ତି ଯେ ଏହା ଚଳଚ୍ଚିତ୍ର ଏବଂ କ୍ରିକେଟ୍ ସେଲିବ୍ରିଟିଙ୍କ ମାଧ୍ୟମରେ ଅନଲାଇନ୍ ଜୁଆକୁ ପ୍ରୋତ୍ସାହିତ କରାଯାଉଛି ।
ଏହା ଏକ ଚିନ୍ତାର ବିଷୟ ବୋଲି କୋର୍ଟ ଆକଳନ କରିଛନ୍ତି ଏବଂ ଏହା ସହ ଜଡିତ ଅଭିନେତାଙ୍କୁ ନୋଟିସ ପଠାଇଛନ୍ତି। ହାଇକୋର୍ଟ ମଧ୍ୟ ରାଜ୍ୟ ସରକାରଙ୍କଠାରୁ ସ୍ପଷ୍ଟୀକରଣ ମାଗିଛନ୍ତି । ଏହି ମାମଲାରେ ପ୍ଲେ ଗେମ୍ 24x7 ଏବଂ ମୋବାଇଲ୍ ପ୍ରିମିୟର ଲିଗ୍ ଭଳି କମ୍ପାନୀକୁ ନୋଟିସ୍ ପଠାଇବାକୁ କୋର୍ଟ କହିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
