କେରଳ ବନ୍ୟା: 72 ମୃତ, 58 ନିଖୋଜ

ସୁଧୁରିବାରେ ଲାଗିଛି କେରଳ ବନ୍ୟା ପରିସ୍ଥିତି । ତେବେ ମୃତ୍ୟୁସଂଖ୍ୟା 72ରେ ପହଞ୍ଚିଛି । ଏଥିସହିତ 58 ଜଣ ନିଖୋଜ ଥିବା ସୂଚନା ମିଳିଛି ।

ଥିରୁଅନନ୍ତପୁରମ: ସୁଧୁରୁଛି କେରଳ ବନ୍ୟା ପରିସ୍ଥିତି । କମିଛି ବର୍ଷାର ପରିମାଣ । କିନ୍ତୁ ମୃତସଂଖ୍ୟା 72କୁ ପହଁଚିଛି । ଏଥି ସହିତ 58 ଜଣ ନିଖୋଜ ଥିବା ଖବର ରହିଛି । ଉଦ୍ଧାର କାର୍ଯ୍ୟ ଏବେ ମଧ୍ୟ ଜାରି ରହିଛି ।

ତେବେ ବିଭିନ୍ନ ଅଞ୍ଚଳରେ ଜଳସ୍ତର କମିବାରେ ଲାଗିଛି । ଏଥିପାଇଁ ସ୍ଥାନାନ୍ତରଣ ପ୍ରକ୍ରିୟା ବନ୍ଦ ରହିଛି । ରାଜ୍ୟର ମାଲାପୁରମ ଜିଲ୍ଲାରେ ସର୍ବାଧିକ 50ଜଣ ନିଖୋଜ ଥିବା ସୂଚନା ମିଳିଛି । ସେହିପରି ୱାଇନାଡରେ 7ଜଣ ନିଖୋଜ ଅଛନ୍ତି ।

ତେବେ ଫୋକସରେ ଏବେ ଭାଙ୍ଗିଯାଇଥିବା ଘରର ମରାମତି କାର୍ଯ୍ୟ । ସେପଟେ ବହୁ ଅଞ୍ଚଳରୁ ପାଣି ଖସିବା ନେଇ ସୂଚନା ରହିଛି ।