ଥିରୁଅନନ୍ତପୁରମ:କେରଳର ସୁନୀଶ ନାମକ ଜଣେ ବ୍ୟକ୍ତି ନିଜ ପୁଅ ପାଇଁ କିଣିଥିବା ସାଇକେଲ ଚୋରି ହୋଇଯାଇଥିବା ଖବର ପାଇ ତାଙ୍କ ନିକଟକୁ ଏକ ସାଇକେଲ ଉପହାର ସ୍ବରୁପ ପଠାଇଛନ୍ତି କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ । ଏହି ଘଟଣା ସମ୍ପର୍କରେ ଖବର ପ୍ରସାରିତ ହେବା ପରେ ମୁଖ୍ୟମନ୍ତ୍ରୀଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟିବାରେ ଲାଗିଛି ।
ଖବର ଅନୁସାରେ କେରଳର ସୁନୀଶ ଜଣେ ବ୍ୟକ୍ତି ନିଜ ପୁଅ ପାଇଁ ଏକ ସାଇକେଲ କିଣିଥିବା ବେଳେ ଉକ୍ତ ସାଇକେଲଟି ଚୋରି ହୋଇଯାଇଥିଲା । ଏହି ଘଟଣାରେ ଆର୍ଥିକ ସ୍ବଚ୍ଛଳତା ନଥିବା ସୁନୀଶଙ୍କ ପରିବାର ବେସ ଦୁଃଖ ପ୍ରକାଶ କରିଥିଲେ । ସାଇକେଲ ଚୋରି ସମ୍ପର୍କରେ କିଛି ତଥ୍ୟ ପାଇଲେ ଜଣାଇବାକୁ ଫେସବୁକ ଜରିଆରେ ନିବେଦନ ମଧ୍ୟ କରିଥିଲା ଉକ୍ତ ପରିବାର । କିନ୍ତୁ ଏହି ଘଟଣା ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ନିକଟରେ ପହଞ୍ଚିବା ପରେ ସେ ତୁରନ୍ତ ଏକ ସାଇକେଲ ଉକ୍ତ ପରିବାର ନିକଟକୁ ପଠାଇବା ପାଇଁ ନିର୍ଦ୍ଦେଶ ଦେଇଥିଲେ ।
ପରିବାରର ଅଗୋଚରରେ ସାଇକେଲଟି ପରିବାର ନିକଟରେ ପହଞ୍ଚାଯାଇଥିଲା । ପରେ ଏହା ରାଜ୍ୟର ମୁଖ୍ୟମନ୍ତ୍ରୀଙ୍କ ଦ୍ବାରା ସାଇକେଲଟି ପଠାଯାଇଥିବା ଜାଣି ବେସ ଆଶ୍ଚର୍ଯ୍ୟଚକିତ ହୋଇଛନ୍ତି ସୁନୀଶଙ୍କ ପରିବାର । ଏହି ଘଟଣାରେ ଖବରକାଗଜରେ ଖବର ପ୍ରକାଶ ପାଇଥିବା ବେଳେ ସୁନୀଶ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଏଭଳି ଉପହାର ପଠାଇବା ସେ ବା ତାଙ୍କ ପରିବାର ଆଦୌ ଆଶା କରାଯାଇନଥିଲା ।
ସୁନୀଶଙ୍କ ହାତ ଏବଂ ଗୋଡରେ ଅସୁସ୍ଥତା ରହିଛି। ସେ ତାଙ୍କର ଗୋଟିଏ ହାତର ସ୍ବାଭାବିକ ଭାବେ ଗତି ମଧ୍ୟ କରିପାରନ୍ତି ନାହିଁ । ଗତ ସପ୍ତାହରେ ବୁଧବାର ରାତିରେ ଘରର ଆଗ ଅଗଣାରେ ପାର୍କିଂ ହୋଇଥିବା ତାଙ୍କ ପୁଅ ଜଷ୍ଟିନଙ୍କ ପାଇଁ ସେ କିଣିଥିବା ଚକ୍ର ଚୋରି ହୋଇଥିଲା।
ବ୍ୟୁରୋ ରିପୋର୍ଟ, ଇଟିଭି ଭାରତ
