ଥିରୁଅନନ୍ତପୁରମ: ନାଗରିକତା ସଂଶୋଧନ ଆଇନକୁ ନେଇ ଦେଶରେ ଉଷ୍ମ ରହିଛି ରାଜନୈତିକ ପାଣିପାଗ । ଏ ନେଇ ବିରୋଧୀ ଓ ସରାକାରଙ୍କ ମଧ୍ୟରେ ଆମ୍ନାସାମ୍ନି ପରିସ୍ଥିତି ଉପୁଜିଛି । ଏପରି ସ୍ଥିତିରେ ସିଏଏ ବିରୁଦ୍ଧରେ କେରଳ ବିଧାନସଭାରେ ପାସ ହୋଇଥିବା ରିଜୋଲୁସନ ପ୍ରସ୍ତାବକୁ ଅସାମ୍ବିଧାନିକ କହିଛନ୍ତି କେରଳ ରାଜ୍ୟପାଳ ଆରିଫ ମହମ୍ମଦ ।
କେରଳ ରାଜ୍ୟପାଳ ଆରିଫ ମହମ୍ମଦ କହିଛନ୍ତି ଯେ ରିଜୋଲୁସନ ପ୍ରସ୍ତାବର କୌଣସି ସାମ୍ବିଧାନିକ ବୈଧତା ନାହିଁ । ନାଗରିକତା ସଂଶୋଧନ ଆଇନ ବିଶେଷ ରୂପେ କେନ୍ଦ୍ରର ବିଷୟ । ତେବେ ଏହି ରିଜୋଲୁସନର ବାସ୍ତବରେ କୌଣସି ମହତ୍ତ୍ବ ନଥିବା ରାଜ୍ୟପାଳ ଆରିଫ କହିଛନ୍ତି ।
ପୂର୍ବରୁ କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ ମଧ୍ୟ ସିଏଏ ବିରୁଦ୍ଧରେ କେରଳ ବିଧାନସଭାରେ ପାରିତ ହୋଇଥିବା ରିଜୋଲୁସନ ପ୍ରସ୍ତାବକୁ ଅସାମ୍ବିଧାନିକ କହିସାରିଛନ୍ତି । ରବିଶଙ୍କର ସମ୍ବିଧାନର ଅନୁଛେଦ 245/46 ଓ 256ର ଉଦାହରଣ ଦେଇ ଏହି ରିଜୋଲୁସନ ପ୍ରସ୍ତାବକୁ ଭୁଲ ଦର୍ଶାଇଛନ୍ତି । ଏହାସହ ଏହା ସମ୍ବିଧାନର ଭାବନାର ବିରୁଦ୍ଧ ବୋଲି ସେ ପ୍ରତିକ୍ରିୟା ଦେଇଥିଲେ ।
