ବେଙ୍ଗାଲୁରୁ: ଅଲଗା ଧର୍ମର ବ୍ୟକ୍ତି ବା ମହିଳାଙ୍କୁ ବିବାହ କରିବା ପାଇଁ ନିଜ ଧର୍ମକୁ ପରିବର୍ତ୍ତନ କରିବା ଉପରେ ରାଜ୍ୟରେ ପ୍ରତିବନ୍ଧକ ଲାଗିଛି । ରାଜ୍ୟ ପର୍ଯ୍ୟଟନ ମନ୍ତ୍ରୀ ତଥା ବିଜେପି ଜାତୀୟ ସାଧାରଣ ସମ୍ପାଦକ ସି ଟି ରବି ଏହି ପ୍ରତିବନ୍ଧକ ଲଗାଇଥିବା ଜଣାପଡିଛି ।
ବିବାହ ଲାଗି ଧର୍ମ ପରିବର୍ତ୍ତନ କରିବା ସଂପୂର୍ଣ୍ଣ ଭାବରେ ଏକ ବେଆଇନ କାର୍ଯ୍ୟ ବୋଲି ଆହ୍ଲାବାଦ ଉଚ୍ଚ ନ୍ୟାୟାଳୟ ବିବୃତ୍ତି ଦେବା ପରେ ରାଜ୍ୟ ପର୍ଯ୍ୟଟନ ମନ୍ତ୍ରୀ ଏହି ନିଷ୍ପତ୍ତି ନେଇଛନ୍ତି । 'ଜିହାଦିସ' ପ୍ରସଙ୍ଗରେ ରାଜ୍ୟରେ ମହିଳାଙ୍କ ସମ୍ମାନ କ୍ଷତି ହେଉଛି । ଏଣୁ ରାଜ୍ୟ ସରକାର ଆଉ ଜିହାଦିସ ପ୍ରସଙ୍ଗରେ ଚୁପ୍ ରହିବେ ନାହିଁ । ରାଜ୍ୟରେ ଏଭଳି ପ୍ରସଙ୍ଗ ସାମନାକୁ ଆସିଲେ ଧର୍ମ ପରିବର୍ତ୍ତନ କରିଥିବା ବ୍ୟକ୍ତି ବା ମହିଳାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ମନ୍ତ୍ରୀ ଟ୍ବିଟ ଯୋଗେ କହିଛନ୍ତି ।
ପୂର୍ବରୁ ବିଜେପି ଶାସିତ ଅନ୍ୟ ରାଜ୍ୟ ଯଥା ଉତ୍ତରପ୍ରଦେଶ, ହରିୟାଣା ଓ ମଧ୍ୟପ୍ରଦେଶରେ ମଧ୍ୟ ' ଲଭ ଜିହାଦ 'କୁ ବେଆଇନ ବୋଲି କହିଥିଲା ଏବଂ ଏଥିରେ ସଂପୃକ୍ତ ଲୋକଙ୍କ ବିରୋଧରେ ସରକାର ଆଇନ ଅନୁଯାୟୀ ଦଣ୍ଡ ବିଧାନ କରାଯିବ ।
ଗତ ଅକ୍ଟୋବର 31 ତାରିଖରେ ଆହ୍ଲାବାଦ ଉଚ୍ଚ ନ୍ୟାୟାଳୟ କେବଳ ବାହାଘର ଉଦ୍ଦେଶ୍ୟରେ ନିଜ ଧର୍ମ ପରିବର୍ତ୍ତନ କରିବା ଆଦୌ ଯୁକ୍ତିଯୁକ୍ତ ନୁହେଁ, ଏହା ସଂପୂର୍ଣ୍ଣ ଭାବେ ଏକ ମୂଲ୍ୟହୀନ ପ୍ରସଙ୍ଗ । ତେବେ ଉତ୍ତରପ୍ରଦେଶରେ ଗତ ଜୁଲାଇ ମାସରେ ବିବାହ କରିଥିବା ଜଣେ ନବଦମ୍ପତି ପୋଲିସ ନିକଟରେ ଅଭିଯୋଗ କରିଥିଲେ ଯେ ମହିଳାଙ୍କ ସଂପର୍କୀୟ ତାଙ୍କ ବୈବାହିକ ଜୀବନରେ ହସ୍ତକ୍ଷେପ କରୁଛନ୍ତି । ତେବେ ଆହ୍ଲାବାଦ ନବଦମ୍ପତିଙ୍କ ଏହି ଅଭିଯୋଗକୁ ଖାରଜ କରିଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
