ବେଙ୍ଗାଲୁରୁ: କର୍ଣ୍ଣାଟକ ବିଧାନସଭାରେ ଆସ୍ଥା ଭୋଟ ପୂର୍ବରୁ ଭାବୁକ ହେଲେ ମୁଖ୍ୟମନ୍ତ୍ରୀ କୁମାରସ୍ବାମୀ । ଏଭଳି ପରିସ୍ଥିତିରେ ତାଙ୍କୁ କାହିଁକି ମୁଖ୍ୟମନ୍ତ୍ରୀ କରାଗଲା ବୋଲି ଭଗବାନଙ୍କୁ ପ୍ରଶ୍ନ କରିଛନ୍ତି ସେ । ଏହା ସହିତ ସରକାର ଗଠନ ପାଇଁ ବିଜେପିକୁ ଧୈର୍ଯ୍ୟ ଧରିବାକୁ କହିଛନ୍ତି ।
2006ରେ ଘଟିଥିବା କର୍ଣ୍ଣାଟକ ରାଜନୀତିର ପୁରୁଣା କଥାକୁ ମନେ ପକାଇ ସେ କହିଛନ୍ତି, 2006ରେ ମୁଁ ସରକାର ଗଠନ ପାଇଁ ବିଜେପି ପାଖକୁ ଯାଇନଥିଲି । ସେତେବେଳେ ଯେଦ୍ଦୁରପ୍ପା ମତେ ସାକ୍ଷାତ କରିବାକୁ ଚାହିଁଥିଲେ । 12 ବର୍ଷ ପୂର୍ବେ ମୁଁ ନେଇଥିବା ନିଷ୍ପତ୍ତି ଭୁଲ୍ କିମ୍ବା ଠିକ୍ ମଧ୍ୟ ହୋଇପାରେ ।
ସେ ଆହୁରି କହିଛନ୍ତି ଯେ, କଂଗ୍ରେସ-ଜେଡିଏସ ସରକାର ଗଠନର ପ୍ରଥମ ଦିନରୁ ହିଁ ୟେଦ୍ଦୁରପା ସରକାର ଭାଙ୍ଗିବାକୁ ପ୍ରୟାସ କରୁଛନ୍ତି । ଆପଣ ମୁଖ୍ୟମନ୍ତ୍ରୀଙ୍କ ଆସନ ନେଇପାରନ୍ତି । ଧୈର୍ଯ୍ୟ ଧରନ୍ତୁ ଆଜି ନହେଲେ ସୋମବାରକୁ ମଧ୍ୟ ଆପଣ ସରକାର ଗଠନ କରି ପାରିବେ ବୋଲି ସେ କହିଛନ୍ତି ।
