ବେଙ୍ଗାଲୁରୁ: କର୍ଣ୍ଣାଟକରେ କଂଗ୍ରେସ-ଜେଡିଏସ ମେଣ୍ଟ ସରକାରକୁ ପୁଣି ଝଟକା ଲାଗିଛି । ବୁଧବାର ଆଉ 2 ଜଣ ବିଧାୟକ ଏମଟିବି ନାଗରାଜ ଏବଂ କେ ସୁଧାକର ଇସ୍ତଫା ଦେଇଛନ୍ତି । ସେମାନେ ବାଚସ୍ପତିଙ୍କୁ ନିଜ ଇସ୍ତଫା ପତ୍ର ଦେଇଛନ୍ତି । ତେବେ ବର୍ତ୍ତାମାନ ବିଧାୟକଙ୍କ ଇସ୍ତଫା ସଂଖ୍ୟା 16 କୁ ପହଞ୍ଚିଛି । ତେବେ ଏହି 2 ବିଧାୟକ ମଧ୍ୟ ମୁମ୍ବାଇ ଯିବାର ସମ୍ଭାବନା ରହିଛି ।
ଗୋଟିଏ ପଟେ କଂଗ୍ରେସ-ଜେଡିଏସ ମେଣ୍ଟ ବଞ୍ଚାଇବା ପାଇଁ କୁମାରସ୍ବାମୀଙ୍କ ଠାରୁ ଆରମ୍ଭ କରି କଂଗ୍ରେସର ବରିଷ୍ଠ ନେତା କସରତ କରୁଛନ୍ତି । ଆଉ ସେପଟେ ଜଣଙ୍କ ପରେ ଜଣେ ବିଧାୟକ ମେଣ୍ଟ ସରକାରକୁ ବିରୋଧ କରି ଇସ୍ତଫା ଦେଉଛନ୍ତି ।
ଅନ୍ୟପଟେ କର୍ଣ୍ଣାଟକ ବିଜେପିର ବରିଷ୍ଠ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପା କୁମାରସ୍ବାମୀଙ୍କ ଇସ୍ତଫା ଦେବି କରୁଛନ୍ତି। କୁମାରସ୍ବାମୀଙ୍କ ସରକାର ବହୁମତ ହରାଇଛି ତେଣୁ କୁମାରସ୍ବାମୀ ଇସ୍ତଫା ଦିଅନ୍ତୁ ବୋଲି ସେ ଦାବି କରୁଛନ୍ତି ।
