ବେଙ୍ଗାଲୁରୁ: କର୍ଣ୍ଣାଟକର 15 ବିଧାନସଭା ଆସନ ପାଇଁ ଜାରି ରହିଛି ମତଦାନ । ଭୋଟିଂ ପ୍ରକ୍ରିୟା ସକାଳ 7 ଟାରୁ ଆରମ୍ଭ ହୋଇ ସନ୍ଧ୍ୟା 7 ଟା ପର୍ଯ୍ୟନ୍ତ ଚାଲିବ । ସକାଳ 9 ଟା ସୁଦ୍ଧା 6.33 ପ୍ରତିଶତ ମତଦାନ ରେକର୍ଡ ହୋଇଛି । ତେବେ ଚିକ୍କାବଲ୍ଲାପୁରରେ ମତଦାନ ପାଇଁ ଉତ୍ସୁକତା ଦେଖାଇଛନ୍ତି ଏଠାର ଏକ ବିଶାଳ ପରିବାର । ଏହି ପରିବାରର 110 ଜଣ ସଦସ୍ୟ ଚିକ୍କାବଲ୍ଲାପୁରରେ ଏକତ୍ର ମତାଧିକାର ସାବ୍ୟସ୍ତ କରିଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ
ଏଭଳି କରି ସେମାନେ ସମାଜ ପାଇଁ ଏକ ଭଲ ଉଦାହରଣ ସୃଷ୍ଟି କରିଛନ୍ତି । ତେବେ ଏହା ପ୍ରଥମ ଥର ନୁହେଁ ସେମାନେ ସର୍ବଦା ଏକତ୍ର ଭୋଟ ଦେବାକୁ ଯାଆନ୍ତି ବୋଲି ପରିବାରର ସଦସ୍ୟ ଲକ୍ଷ୍ମୀ କହିଛନ୍ତି ।
