ଡେରାଡୁନ: ଆରମ୍ଭ ହୋଇଛି କେଦାରନାଥ ଦର୍ଶନ । ଭୋଳାବାବାଙ୍କ ଦର୍ଶନ ଲାଗି ଛୁଟି ଆସୁଛନ୍ତି ମାଳ ମାଳ ଭକ୍ତ । ତେବେ ବଦରୀ-କେଦାରନାଥ ଯାତ୍ରା କରୁଥିବା ଏକ 35 ଜଣିଆ ସଦସ୍ୟ ବିଶିଷ୍ଟ ଦଳରେ ଜଣେ ମହିଳା ଯାତ୍ରୀଙ୍କର ମୃତ୍ୟୁ ଘଟିଛି । ହୃଦଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିବା ଜଣାପଡିଛି ।
ବଦ୍ରିନାଥଙ୍କ ଦର୍ଶନ ପରେ ଉକ୍ତ ଯାତ୍ରୀଙ୍କ ଦଳ କେଦାରନାଥ ଯାତ୍ରା ପାଇଁ ବାହାରି ପଡିଥିଲେ । ଇତିମଧ୍ୟରେ ବଦ୍ରିନାଥ ହାଇୱେ ନିକଟରେ ଥିବା ନଗରାସୁର ଏକ ହୋଟେଲରେ ଉକ୍ତ ଯାତ୍ରୀ ବିଶ୍ରାମ ନେଉଥିଲେ । ସେହି ସମୟରେ କର୍ଣ୍ଣାଟକ ନିବାସୀ ଭେଙ୍କଟା ସୁବମ୍ମାଙ୍କ ପତ୍ନୀ ଚିନ୍ନାଭେଙ୍କଟା ରେଡ୍ଡୀ (49)ଙ୍କର ହୃଦଘାତରେ ମୃତ୍ୟୁ ଘଟିଲା । ଉକ୍ତ ଦମ୍ପତ୍ତି କର୍ଣ୍ଣାଟକରୁ କେଦାରନାଥ ଯାତ୍ରାରେ ଆସିଥିଲେ । ସେପଟେ ପରିବାର ପକ୍ଷରୁ ତାଙ୍କ ମରଶରୀରକୁ ବ୍ୟବଚ୍ଛେଦ କରିବା ପାଇଁ ଦାବି ହୋଇଛି ।
