ନୂଆଦିଲ୍ଲୀ: ପୂର୍ବ ଦିଲ୍ଲୀର ଶାହିନ୍ବାଗରେ ଗୁଳି ଚଳାଇଥିବା ଅଭିଯୁକ୍ତ କପିଲ ଗୁର୍ଜରର ଆମ ଆଦମୀ ପାର୍ଟିରେ ଯୋଗଦେବା ବେଳର ଫଟୋ ସୋସିଆଲ ମିଡିଆରେ ଭାଇରାଲ ହେବାପରେ କପିଲଙ୍କ ପରିବାର ବର୍ଗ ପ୍ରତିକ୍ରିୟା ରଖିଛନ୍ତି ।
କପିଲଙ୍କ ବାପା ଗଜେ ସିଂ କହିଛନ୍ତି ଯେ, ଲୋକସଭା ନିର୍ବାଚନ ବେଳେ ଆମ ଆଦମୀ ପାର୍ଟି ନେତା ତାଙ୍କ ଗାଁ ଦଲ୍ଲୁପୁରା ଆସିଥିଲେ ସେତେବେଳେ ଆପ ନେତା କପିଲଙ୍କୁ ଜୋର ଜବରଦସ୍ତ ଆପ ଟୋପି ପିନ୍ଧାଇଥିଲେ । ସେ ସ୍ପଷ୍ଟ କରିଛନ୍ତି ଯେ, ତାଙ୍କର ତାଙ୍କ ପୁଅ କେବେ ଆମ ଆଦମୀ ପାର୍ଟିରେ ଯୋଗଦେଇନଥିଲା । ‘ଆପ’ ସହ ତାଙ୍କ ପରିବାରର କୌଣସି ସମ୍ପର୍କ ନାହିଁ ।
ଗଜେ ସିଂ ଆହୁରି କହିଛନ୍ତି 2012 ପର୍ଯ୍ୟନ୍ତ ସେ ବିଏସପି ଦଳରେ ଥିଲେ । ପୌର ନିଗମ ନିର୍ବାଚନ ମଧ୍ୟ ଲଢିଥିଲେ । ହେଲେ ଅସୁସ୍ଥତା କାରଣରୁ ସେ ରାଜନୀତି ଛାଡିଦେଲେ । ଏବେ ନିଜ ଗାଁ ରେ ରହୁଛନ୍ତି । ଗାଁକୁ ଯେଉଁଦଳର ନେତା ଆସିଲେ ମଧ୍ୟ ସେ ସମସ୍ତଙ୍କ ସହ ମିଶୁଛନ୍ତି । ଏପରିକି ବିଜେପି ଦଳ ସହ ମଧ୍ୟ ବୋଲି କହିଛନ୍ତି ।
ସୂଚନା ଥାଉକି କପିଲ ଗୁର୍ଜର ଶାହୀନବାଗରେ ହେଉଥିବା ବିକ୍ଷୋଭସ୍ଥଳ ପାଖରେ ଗୁଳି ଚଳାଇଥିଲା । ଯାହା ଦ୍ବାରା କପିଲକୁ ପୋଲିସ ଗିରଫ କରି ଖୋଲତାଡ କରୁଛି । ଏହାକୁ ନେଇ ଏବେ ଦିଲ୍ଲୀ ରାଜନୀତି ସରଗରମ ହୋଇପଡିଛି ।
