ଲକ୍ଷ୍ନୌ: ଶ୍ରୀକୃଷ୍ଣଙ୍କ ଜନ୍ମୋତ୍ସବ ପାଇଁ ଉତ୍ସବ ମୁଖର ସମଗ୍ର ଦେଶ । ଏନେଇ କୃଷ୍ଣଙ୍କ ଜନ୍ମସ୍ଥଳୀ ଉତ୍ତରପ୍ରଦେଶର ମଥୁରାରେ ବିଶେଷ ଆୟୋଜନ କରାଯାଇଛି । ମଥୁରାନଗରୀରେ ଜନ୍ମାଷ୍ଟମୀ ଅବସରରେ ଶ୍ରୀକୃଷ୍ଣଙ୍କୁ ନାନାଦି ଆଭୁଷଣରେ ସଜା ଯାଇଛି । ଜନ୍ମୋତ୍ସବ ପାଇଁ ଶ୍ରୀ କୃଷ୍ଣ ସେବା ସଂସ୍ଥାନ ପକ୍ଷରୁ ପ୍ରଭୁଙ୍କ ପାଇଁ ବିଶେଷ ପୋଷାକ ତିଆରି କରାଯାଇଛି । ମୁମ୍ବାଇର କାରୀଗର ମାନେ ଗତ 3 ମାସ ଧରି ଏହି ବିଶେଷ ସୁନା-ରୂପାରେ ନିର୍ମିତ ଏହି ଭବ୍ୟ ପୋଷାକ ତିଆରି କରିଛନ୍ତି ।
ଏନେଇ ଢୋଲ ବାଜା ବାଜି ଏହି ପୋଷାକ ମନ୍ଦିରରେ ପ୍ରବେଶ କରାଯାଇଥିଲା । ଏହାପରେ ଆଜି ଭଗବାନ ଶ୍ରୀକୃଷ୍ଣଙ୍କୁ ପିନ୍ଧାଯାଇଛି । ପୁଷ୍ପ ତେଜ ମହଲ ବଙ୍ଗଳାରେ ବିରାଜମାନ ହୋଇଛନ୍ତି ପ୍ରଭୁ । ମୃଙ୍ଗାକ କୌମୁଦୀ ପୋଷାକ ପିନ୍ଧି ଶ୍ରଦ୍ଧାଳୁଙ୍କୁ ଅଦ୍ଭୁତ ଦର୍ଶନ ଦେଉଛନ୍ତି । ଭକ୍ତଙ୍କ ଏପରି ଶ୍ରଦ୍ଧା ଦେଖି ପ୍ରତ୍ୟେକ ବର୍ଷ ଏହିପରି ବିଶେଷ ଭବ୍ୟ ପୋଷାକ ତିଆରି କରାଯାଉଛି ।
