ରାଞ୍ଚି: ପଡୋଶୀ ଝାଡଖଣ୍ଡରେ ବିଧାନସଭା ନିର୍ବାଚନକୁ ଆଉ କିଛି ମାସ ବାକି ଥିବାବେଳେ ରାଜ୍ୟରେ କ୍ଷମତାସୀନ ଶାସକ ବିଜେପି ନିଜକୁ ଆହୁରି ଶକ୍ତିଶାଳୀ କରିବାରେ ଲାଗିଛି । ଏହିକ୍ରମରେ ବୁଧବାର 6ଜଣ ବିରୋଧୀ ବିଧାୟକ ବିଧିବଦ୍ଧ ଭାବେ ଦଳରେ ସାମିଲ ହୋଇଛନ୍ତି । ସେମାନେ ମୁଖ୍ୟମନ୍ତ୍ରୀ ରଘୁବର ଦାସଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଛନ୍ତି । ବିରୋଧୀ ବିଧାୟକଙ୍କ ଯୋଗଦାନ ଦଳକୁ ଆହୁରି ମଜବୁତ କରିବ ବୋଲି ଝାଡଖଣ୍ଡ ରାଜ୍ୟ ବିଜେପି ଶାଖା ପକ୍ଷରୁ କୁହାଯାଇଛି ।
ବିଜେପିରେ ସାମିଲ ହୋଇଥିବା ବିଧାୟକ ହେଉଛନ୍ତି କୁନାଲ ଷଡଙ୍ଗୀ(ଜେଏମଏମ), ଜେପି ଭାଇ ପଟେଲ (ଜେଏମଏମ), ଚମରା ଲିନଡା (ଜେଏମଏମ), ସୁକଦେବ ଭଗତ(କଂଗ୍ରେସ), ମନୋଜ ଯାଦବ( କଂଗ୍ରେସ), ଓ ଭାନୁ ପ୍ରତାପ ସାହି( ଏନଜେଏସଏମ) ।
