ଜମ୍ମୁ: ରବିବାର ଜମ୍ମୁ-କାଶ୍ମୀର ସୋପିଆନ ଜିଲ୍ଲାରେ 4 ଆତଙ୍କବାଦୀ ନିହତ । ଭାରତ-ପାକ ସୀମାରେ ଅଶାନ୍ତ ହୋଇପଡିଥିବା ବେଳେ ଉଭୟ ପକ୍ଷରୁ ଗୁଳିବର୍ଷଣ ଜାରି ରହିଥିଲା । ତେବେ ସରୁକ୍ଷାକର୍ମୀଙ୍କ ଗୁଳିରେ 4 ଆତଙ୍କବାଦୀ ସଫା ହୋଇଛନ୍ତି । ଦକ୍ଷିଣ କାଶ୍ମୀରର ଦରମଦୋରା ଅଞ୍ଚଳ କିଗମରେ ସୁରକ୍ଷାବଳ ଆତଙ୍କୀଙ୍କୁ ଘେରାବନ୍ଦୀ କରିଥିବାବେଳେ ଅପରେସନ ଜାରି ରହିଛି ।
ସେପଟେ ଭୋର ସମୟରେ ଉଭୟ ପକ୍ଷରୁ ଶାନ୍ତ ହୋଇପଡିଥିବା ବେଳେ ପୁଣି ଆରମ୍ଭ ହୋଇଥିଲା ଗୁଳିବିନିମୟ । ଗତକାଲି ବାରମୂଳା ଜିଲ୍ଲାରେ ଜଣେ ଆତଙ୍କୀ ନିହତ ହୋଇଥିବା ବେଳେ 2ଜଣ ଯବାନ ସହିଦ ହୋଇଥିଲା । ବାଲାକୋଟ ଏୟାର ଷ୍ଟ୍ରାଇକ ପର ଠାରୁ ପାକିସ୍ତାନ ଲଗାତାର ଆକ୍ରମଣ କରିବାରେ ଲାଗିଛି । ଆଉ ପାକର ଏଭଳି କାର୍ଯ୍ୟକୁ ମୁହଁତୋଡ ଜବାବ ଦେଉଛି ଭାରତ ସେନା ।
