ଚଣ୍ଡିଗଡ: ଭାରତ ଓ ଚୀନ ବିବାଦ ଯୋଗୁଁ ଭାରତରେ 59ଟି ଚାଇନିଜ ଆପ୍ ବ୍ୟାନ କରାଯିବା ପରେ ବଢିଛି ଭାରତୀୟ ଆପ୍ର ଚାହିଦା । ସାଥୀରେ ଭାରତୀୟ ସଫ୍ଟୱୟାର ଡେଭଲପର ପ୍ରସ୍ତୁତ କରିବାରେ ଲାଗିଛନ୍ତି ନୂଆ ନୂଆ ଆପ୍ । ଏଥିରୁ ଗୋଟିଏ ହେଉଛି ଜଲନ୍ଧର ସଫ୍ଟୱେୟାର ଡେଭଲପରଙ୍କ ଦ୍ବାରା ପ୍ରସ୍ତୁତ ହୋଇଥିବା ଦେଶୀ ଟିକ୍ଟିକ୍ । ଅନ୍ୟ ଦେଶ ପରି ଭାରତରେ ମଧ୍ୟ ବିକଶିତ ଓ ବିଭିନ୍ନ ପ୍ରକାର ସଫ୍ଟୱେୟାରରୁ ପ୍ରସ୍ତୁତ ଆପ୍ର ଚାହିଦା ରହିଛି । ଯାହା ଡେଭଲପରଙ୍କୁ କିଛି ନୂଆ ପ୍ରସ୍ତୁତ କରିବା ପାଇଁ ପ୍ରୋତ୍ସାହନ ଯୋଗାଉଛି ନିଶ୍ଚୟ ।
ସେପଟେ ଭାରତରେ ଚୀନ ଅଧିକୃତ ଟିକ୍ଟକ୍ ଆପ ବ୍ୟାନ ପରେ ଏହାର ୟୁଜର୍ସଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖା ଦେଇଥିଲା । ଟିକ୍ଟକ୍ ୟୁଜର୍ସଙ୍କ ଏହି ଅଭାବ ପୂରଣ କରିବା ପାଇଁ ଭାରତରେ ପ୍ରସ୍ତୁତ ହୋଇଛି ଦେଶୀ ଟିକ୍ଟକ୍ । ଜଲନ୍ଧରର ସଫ୍ଟୱେୟାର ଡେଭଲପର ସୁମେଶ ସାଇନି ଏହି ଦେଶୀ ଟିକ୍ଟକ୍ ଆପ୍ ପ୍ରସ୍ତୁତ କରିଛନ୍ତି । ସାଇନି ଏହା ଦାବି କରିଛନ୍ତି କି ତାଙ୍କ ଦ୍ବାରା ପ୍ରସ୍ତୁତ ଆପ୍ଟି ଚାଇନିଜ ଟିକ୍ଟକ୍ ଆପ୍ଠାରୁ ବେଶ ଉତ୍କୃଷ୍ଟ ।
କେବଳ ସେତିକି ନୁହେଁ ଟିକ୍ଟକ୍ ତୁଳନାରେ ଏହି ଆପ୍ରେ ଆହୁରି ଅନେକ ନୂଆ ନୂଆ ଇଫେକ୍ଟ ଆଡ୍ କରାଯାଇଛି । ଯାହା ୟୁଜର୍ସଙ୍କ ପସନ୍ଦ ଆସିବ ବୋଲି ସାଇନି ଆଶା ରଖିଛନ୍ତି । ତେବେ ଖୁବଶୀଘ୍ର ଏହି ଆପ୍ ଭାରତରେ ଲଞ୍ଚ ହେବା ନେଇ ସେ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
