ଶ୍ରୀନଗର: ଜୈଶ-ଇ-ମହମ୍ମଦ ଆତଙ୍କୀ ସଂଗଠନର ମୋଷ୍ଟ ୱାଣ୍ଟେଡ ଆତଙ୍କବାଦୀ ବସୀର ଅହମଦକୁ ଗିରଫ କରାଯାଇଛି । ସୋମବାର ଦିଲ୍ଲୀର ସ୍ବତନ୍ତ୍ର ପୋଲିସ ତାକୁ ଶ୍ରୀନଗରରୁ ଗିରଫ କରିଛି । ତେବେ ବର୍ତ୍ତମାନ ପୋଲିସ ପଚରାଉଚରା ଜାରି ରଖିଛି ।
ବସୀର ଜମ୍ମୁ-କାଶ୍ମୀରର ସୋପାର ଜିଲ୍ଲା ମାଗରେପୋରା ବାସିନ୍ଦା । ଦୀର୍ଘ ଦିନ ହେବ ସେ ଫେରାର ଥିଲା । ତା' ନାଁରେ ଦିଲ୍ଲୀ ପୋଲିସ ୨ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲା । ତାକୁ ଧରିବାକୁ ଦିଲ୍ଲୀ ପୋଲିସ ଏକ ସ୍ବତନ୍ତ୍ର ଟିମ୍ ଗଠନ କରିଥିଲା ।
ତେବେ କିଛି ଦିନ ତଳେ ବସୀର ସମ୍ବନ୍ଧରେ ପୋଲିସକୁ ଇନପୁଟ ମିଳିଥିଲା । ଏହାପରେ ପୋଲିସ ଲଗାତାର ତା ଉପରେ ନଜର ରଖିଥିଲା ।
