ଜୟପୁର: ଦୁବାଇରୁ ଜୟପୁର ଆସୁଥିବା ଏୟାର ଇଣ୍ଡିଆର ଏକ ବିମାନରୁ ଜଣେ ମହିଳା ଯାତ୍ରୀଙ୍କୁ ବେଆଇନ ସୁନା ଚାଲାଣ କରିବା ଅଭିଯୋରେ ଗିରଫ କରାଯାଇଛି । ଜବତ ହୋଇଥିବା ସୁନାର ପରିମାଣ ଭାରତୀୟ ମୁଦ୍ରାରେ ପ୍ରାୟ 13 ଲକ୍ଷ ଟଙ୍କା ହେବ । ଏହି ବିମାନରେ ସୁନା ଚୋରାଚାଲଣ ହେଉଥିବା ନେଇ କଷ୍ଟମ ବିଭାଗକୁ ଖବର ମିଳିଥିଲା ।
ସମ୍ପୃକ୍ତ ମହିଳା ଜୟପୁର ପହଞ୍ଚିବା ପରେ ତାଙ୍କୁ ଭଲ ଭାବେ ଯାଞ୍ଚ କରାଯାଇଥିଲା । ତାଙ୍କର ଗତିବିଧି, କଥାବାର୍ତ୍ତାରୁ ପୋଲିସ ସନ୍ଦେହ କରି ତାଙ୍କୁ ସରକାରୀ ଚିକିତ୍ସାଳୟକୁ ନେଇଗଲା । ସେଠାରେ ଯାଞ୍ଚ କରିବାରୁ ସମ୍ପୃକ୍ତ ମହିଳାଙ୍କ ମଳଦ୍ବାରରେ ସୁନା ରଖାଯାଇଥିବାର ଜଣାପଡିଥିଲା । ଏହି ସୁନାର ଓଜନ ଥିଲା 310.94 ଗ୍ରାମ ଏବଂ ଏହାର ମୂଲ୍ୟ ପାଖାପାଖି 13.10 ଲକ୍ଷ ଟଙ୍କା । ଏ ଅଭିଯୋଗରେ ଅଭିଯୁକ୍ତ ମହିଳା ମୁମତାଜ ଅବଦୁଲା ରଶୀଦ ମଛଲୀୱାଲାକୁ ଗିରଫ କରାଯାଇଛି ।
