ବେଙ୍ଗାଲୁରୁ: ଭୂପୃଷ୍ଠର ଚିତ୍ରୋତ୍ତଳନ ପାଇଁ ଖୁବଶୀଘ୍ର ଲଞ୍ଚ ହେବାକୁ ଯାଉଛି ଜିସାଟ୍-1 । ଆସନ୍ତା ମାର୍ଚ୍ଚ 5ରେ ଜିଓସିଙ୍କ୍ରୋନସ ସାଟେଲାଇଟ ଲଞ୍ଚ ଭେଇକିଲ(ଜିଏସଏଲଭି-ଏଫ10) ଏହି ଜିଓ ଇମେଜିଂ ସାଟେଲାଇଟ ଜିସାଟ-1କୁ ଲଞ୍ଚ କରିବା ନେଇ ଜଣା ପଡିଛି । ଶ୍ରୀହରିକୋଟାସ୍ଥିତ ସତୀଷ ଧୱନ ସ୍ପେଶ ସେଣ୍ଟରର ଦ୍ବିତୀୟ ଲଞ୍ଚ ପ୍ୟାଡରୁ ଲଞ୍ଚ ହେବ ଏହି ସାଟେଲାଇଟ ।
ସନ୍ଧ୍ୟା 5ଟା 43 ମିନିଟରେ ଏହି ଲଞ୍ଚିଂ ପ୍ରକ୍ରିୟା ଆରମ୍ଭ ହେବା ନେଇ ସୂଚନା ଦେଇଛନ୍ତି ଇସ୍ରୋ କର୍ତ୍ତୃପକ୍ଷ । ସେପଟେ ଏହି ସାଟେଲାଇଟର ଓଜନ ପ୍ରାୟ 2275 କିଲୋଗ୍ରାମ ରହିଛି । ଏହା ନିଜର ଅନବୋର୍ଡ ପ୍ରୋପଲ୍ସନ ପ୍ରକ୍ରିୟା ଦ୍ବାରା ଅନ୍ତିମ ଜିଓଷ୍ଟେସନାରୀ ଅରବିଟ ବା କକ୍ଷପଥରେ ପ୍ରବେଶ କରିବା ପରେ ଭୂପୃଷ୍ଠର ଚିତ୍ର ଉତ୍ତୋଳନ କରିପାରିବ । ଏହାସହ ଜିସାଟ-1 ଭୂପୃଷ୍ଠ ସହ ଜଡିତ ଅନେକ ରହସ୍ୟ ଉପରୁ ପରଦା ହଟାଇବ ବୋଲି ଆଶା ପୋଷଣ କରିଛି ଇଣ୍ଡିଆନ ସ୍ପେଶ ରିସର୍ଚ୍ଚ ଅର୍ଗାନାଇଜେସନ (ଇସ୍ରୋ) ।
ବ୍ୟୁରୋ ରିପୋର୍ଟ, ଇଟିଭି ଭାରତ
