ବେଙ୍ଗାଲୁରୁ: ମହାକାଶ ବିଜ୍ଞାନରେ ଅଧିକ ଅଧ୍ୟୟନ ଓ ଉଦ୍ଭାବନକୁ ମିଳିବ ପ୍ରୋତ୍ସାହନ । ଏନେଇ କର୍ଣ୍ଣାଟକର ସାଉଥୱେଷ୍ଟ ଦକ୍ଷିଣ କନ୍ନଡ ଜିଲ୍ଲାରେ ଥିବା ଏନଆଇଟି (ନ୍ୟାସନାଲ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି)ରେ ଖୋଲାଯାଇଛି ଏକ ଆଞ୍ଚଳିକ ଶିକ୍ଷାକେନ୍ଦ୍ର । ଇଣ୍ଡିଆନ ସ୍ପେଶ ରିସର୍ଚ୍ଚ ଅର୍ଗାନାଇଜେସନ (ଇସ୍ରୋ) ଦ୍ବାରା ଏହି ଶିକ୍ଷାକେନ୍ଦ୍ର ସ୍ଥାପନ ହୋଇଥିବା ବେଳେ ଏଥିରେ ଯୁବ ପ୍ରତିଭାଙ୍କୁ ମିଳିବ ପ୍ରୋତ୍ସାହନ ।
ଏହି କେନ୍ଦ୍ରରେ ମହାକାଶ ବିଜ୍ଞାନ ଉପରେ ଅଧିକ ଅଧ୍ୟୟନ ସହ ସ୍ପେଶ ପ୍ରୋଗ୍ରାମକୁ ସାହାଯ୍ୟ କରିବା ଭଳି ବିଭିନ୍ନ ଟେକ୍ନୋଲୋଜିର ପରୀକ୍ଷଣ କରାଯିବ । ଏନେଇ ସ୍ପେଶ ଏଜେନ୍ସିର କାପାସିଟି ବିଲ୍ଡିଂ ନିର୍ଦ୍ଦେଶକ ପି.ଭି. ଭେଙ୍କଟାକ୍ରିଷ୍ଣନ ସୂଚନା ଦେଇଛନ୍ତି । ସେ କହିଛନ୍ତି କି ଏନଆଇଟିକୁ ଏଥିପାଇଁ ବାର୍ଷିକ 2 କୋଟି ଟଙ୍କାର ଅନୁଦାନ ପ୍ରଦାନ କରାଯିବ ।
ଦେଶର ଏହା ଚତୁର୍ଥ ଅନୁଷ୍ଠାନ ହୋଇଥିବା ବେଳେ ଏହା ସ୍ପେଶ ଟେକ୍ନୋଲୋଜିକୁ ଦକ୍ଷିଣ ରାଜ୍ୟମାନଙ୍କରେ ପ୍ରୋତ୍ସାହନ ଯୋଗାଇବ । ଏନେଇ ଆଗାମୀ ଦିନରେ ବିଭିନ୍ନ କର୍ମଶାଳା, ରିସର୍ଚ୍ଚ ପ୍ରୋଗ୍ରାମ ଆଦିର ଆୟୋଜନ କରାଯିବା ନେଇ ସୂଚନା ମିଳିଛି ।
ଏନେଇ ଇଞ୍ଜିନିୟରିଂ ଛାତ୍ରଛାତ୍ରୀଙ୍କୁ ଗୋଟିଏ ବର୍ଷର ରିସର୍ଚ୍ଚ ପ୍ରୋଜେକ୍ଟଠାରୁ ଆରମ୍ଭ କରି 2-4 ବର୍ଷ ପର୍ଯ୍ୟନ୍ତର ସୁଯୋଗ ମିଳିବା ନେଇ ସୂଚନା ଦେଇଛନ୍ତି ଏନଆଇଟି ନିର୍ଦ୍ଦେଶକ ଉମମଶେଶ୍ବର ରାଓ ।
ବ୍ୟୁରୋ ରିପୋର୍ଟ, ଇଟିଭି ଭାରତ
