ଜୟପୁର: ଚଳିତ ଆଇପିଏଲକୁ ନେଇ ଅନଲାଇନରେ ସଟ୍ଟା ଖେଳୁଥିବା 4 ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ଏଥିସହ 4 କୋଟି 19 ଲକ୍ଷ ଟଙ୍କା ଜବତ କରିଛି ପୋଲିସ । ଏପରି ଏକ ଘଟଣା ରାଜସ୍ଥାନର ଜୟପୁରରେ ଦେଖିବାକୁ ମିଳିଛି ।
ଏହି ରାକେଟରେ ଜଡିତ ଲୋକମାନେ ଏକ ହ୍ବାଟ୍ସଆପ୍ ଗ୍ରୁପ୍ କରି ଏଠାରେ କ୍ରିକେଟ୍ ବେଟିଂ ପାଇଁ ଅନଲାଇନ୍ ସାଇଟରେ ଆଇଡି ଏବଂ ପାସୱାର୍ଡ ପଠାଯିବା ବାବଦରେ କୋର୍ଡ ଭାଷାରେ ଆଲୋଚନା କରୁଥିଲେ ।
ସୂଚନା ଅନୁଯାୟୀ ଦୁବାଇରୁ ଏହି ରାକେଟ୍ ଆରମ୍ଭ ହୋଇଛି ଏବଂ ବିଭିନ୍ନ ହ୍ବାଟ୍ସଆପ ଗ୍ରୁପ୍ ବ୍ୟବହାର କରି ଲୋକଙ୍କୁ ଆଇପିଏଲ୍ ମ୍ୟାଚରେ ଅନଲାଇନ୍ ବେଟିଂରେ ଭାଗ ନେବାକୁ କୁହାଯାଇଛି ।
ସହକାରୀ କମିଶନର ଅଫ୍ ପୋଲିସ୍ (ଏସିପି) ଚାନ୍ଦ ମୀନା କହିଛନ୍ତି ଯେ, କୋଟୱାଲୀ ପୋଲିସ ଷ୍ଟେସନ କମିଶନରେଟ୍ ସ୍ପେଶାଲ୍ ଟିମ୍ ସହିତ ମିଳିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସମୟରେ ଚାରିଜଣ ଅଭିଯୁକ୍ତଙ୍କୁ କିଶାନପୋଲ ବଜାରରେ ଗିରଫ କରାଯାଇଛି । ପୋଲିସ ରଣବୀର ସିଂ, କ୍ରିପଲ ସିଂ, ତୋଦରମାଲ ରାଠୋର ଏବଂ ଇଶ୍ବର ସିଂଙ୍କୁ ଗିରଫ କରିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
