ଚଣ୍ଡିଗଡ଼:ଚଣ୍ଡିଗଡ଼ରେ ଅନ୍ତର୍ଜାତୀୟ ନଗର କୀର୍ତ୍ତନ ଦଳ । ପାକିସ୍ତାନରୁ ଯାତ୍ରା ଆରମ୍ଭ କରିଥିବା ଏକ ଅନ୍ତର୍ଜାତୀୟ କୀର୍ତ୍ତନ ଦଳ ରବିବାର ଚଣ୍ଡିଗଡ଼ରେ ପହଞ୍ଚିଛି । ଚଣ୍ଡିଗଡ଼ର ମୋହାଲୀ ଗୁରୁଦ୍ବାର ନିକଟରେ ଏମାନଙ୍କୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଦିଆଯାଇଛି । ତେବେ ଏହି ଅନ୍ତର୍ଜାତୀୟ କୀର୍ତ୍ତନ ଦଳ ପହଞ୍ଚିବା ଖବର ପ୍ରଚାରିତ ହେବା ପରେ ସହରର ବିଭିନ୍ନ ସଂକୀର୍ତ୍ତନ ଦଳ ଯୋଗଦେଇଛନ୍ତି ।
ତେବେ ଏହି ନଗର କୀର୍ତ୍ତନ ଦଳ ନିଜର ଏକ ଆପ୍ସ ମାଧ୍ୟମରେ ରାଜ୍ୟର ସମସ୍ତ କୀର୍ତ୍ତନ ଦଳ ସହିତ ଯୋଡ଼ି ହୋଇଛନ୍ତି । ଏହା ସହିତ ରାଜ୍ୟର ଉକ୍ତ କୀର୍ତ୍ତନମଣ୍ଡଳୀଙ୍କ ସହିତ ମିଶିପାରିବା ସହିତ ଅନେକ ସୂଚନା ମଧ୍ୟ ପାଇପାରିବେ । ତେବେ ଗୁରୁ ଗ୍ରନ୍ଥ ସାହିବ ଜୀଙ୍କ ପ୍ରତିମୂର୍ତ୍ତି ଥିବା ବସରେ ଏହାକୁ ଲଗାଯାଇଛି । ତେବେ ଏହାର ଊଦ୍ଦେଶ୍ୟ ହେଉଛି ଯେ, ଘରେ ବସି ଲୋକମାନଙ୍କ ସହିତ ଅନ୍ୟ କୀର୍ତ୍ତନ ମଣ୍ଡଳୀ ମଧ୍ୟ ଏହି ଅନ୍ତର୍ଜାତୀୟ କୀର୍ତ୍ତନ ମଣ୍ଡଳୀଙ୍କ ସମ୍ପର୍କରେ ସୂଚନା ପାଇପାରିବେ ।
ସେପଟେ ଏହି ଅନ୍ତର୍ଜାତୀୟ କୀର୍ତ୍ତନ ମଣ୍ଡଳୀ ଜିପିଆରଏସ ମାଧ୍ୟମରେ ସୂଚନା ପାଇଁ ଚଣ୍ଡିଗଡ଼ରେ ପ୍ରବେଶ କରିଥିଲେ । ଚଣ୍ଡିଗଡରେ ଭବ୍ୟ ସମ୍ବର୍ଦ୍ଧନା ପରେ ଏହି ଦଳ ଗୁଜୁରାଟ ଅଭିମୁଖେ ଯାତ୍ରା କରିଛି । ଚଣ୍ଡିଗଡର କିଛି ଅଂଶରେ ଯାତ୍ରା କରି ଗୁଜୁରାଟକୁ ଯାତ୍ରା କରିଛି । ସେଠାରେ ସେକ୍ଟର-17 ଅଞ୍ଚଳରେ ପହଞ୍ଚିବା ପରେ ଉକ୍ତ ଦଳର ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା ।
ନଗର କୀର୍ତ୍ତନ କମିଟିର ସଦସ୍ୟ ତୋତା ସିଂ କହିଛନ୍ତି କି, ଅନ୍ତର୍ଜାତୀୟ ନଗର କୀର୍ତ୍ତନ ଦଳ ଧାର୍ଯ୍ୟ ସମୟ ଠାରୁ ବହୁ ବିଳମ୍ବରେ ଯାତ୍ରା କରୁଛି । କାରଣ ଏହି ଯାତ୍ରା ସମୟରେ ଦଳ ଅନେକ ରାସ୍ତା ସମସ୍ୟା ଦେଇ ଗସ୍ତ କରୁଛି । ଏହା ସହିତ ଅନେକ ଶ୍ରଦ୍ଧାଳୁ ମଧ୍ୟ ଦର୍ଶନ ପାଇଁ ଆସୁଥିବାରୁ ଯାତ୍ରାରେ ବିଳମ୍ବ ହେଉଥିବା ଦେଖିବାକୁ ମିଳିଛି ।
