ନୂଆଦିଲ୍ଲୀ: ସାରା ବିଶ୍ବ ଏବେ କୋରୋନା କବଳରେ କବଳିତ ହୋଇଛି । ଦେଶରେ ମଧ୍ୟ ଦିନକୁ ଦିନ ବଢିଚାଲିଛି ସଂକ୍ରମଣ ସଂଖ୍ୟା । ତେବେ କୋରୋନା ସଂକ୍ରମଣ ବୃଦ୍ଧି ମଧ୍ୟରେ ପୂନର୍ବାର ଦେଶରେ ଅନ୍ତରାଷ୍ଟ୍ରୀୟ ବିମାନ ସେବା ଉପରେ ରୋକ ଲଗାଇଛନ୍ତି କେନ୍ଦ୍ର ସରକାର ।
କୋରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ଦେଶରେ ଅନ୍ତରାଷ୍ଟ୍ରୀୟ ବିମାନ ସେବାରେ ଲାଗୁ ହୋଇଥିବା ପ୍ରତିବନ୍ଧକ ସମୟସୀମାକୁ ବଢାଇ ଦିଆଯାଇଛି । ତେବେ 31 ଅଗଷ୍ଟ ଯାଏଁ ଦେଶରୁ କୌଣସି ବି ଅନ୍ତରାଷ୍ଟ୍ରୀୟ ବିମାନ ଉଡିବ ନାହିଁ । ଏନେଇ ଡିଜିସିଏ ପକ୍ଷରୁ ସୂଚନା ଦିଆଯାଇଛି ।
ଅନ୍ତରାଷ୍ଟ୍ରୀୟ ବିମାନ ସେବାରେ ରୋକ କାରଣରୁ ଭାରଚ ସରକାର ବିଦେଶରେ ଫସିଥିବା ପ୍ରବାସୀଙ୍କୁ ଫେରାଇ ଆଣିବାକୁ ବନ୍ଦେ ଭାରତ ମିସନ ଅଭିଯାନ ଚଳାଇଛନ୍ତି । ଏହି ଅଭିଯାନ ଆଧାରରେ ବିଦେଶରେ ଫସିଥିବା ଲୋକଙ୍କୁ ପର୍ଯ୍ୟାୟକ୍ରମେ ଭାରତ ଅଣାଯାଉଛି । ତେବେ ଏଥିରେ ସରକାର ଏୟାର ଇଣ୍ଡିଆର ସମ୍ପୂର୍ଣ୍ଣ ସହଯୋଗ ନେଉଛନ୍ତି ।
@ANI
