ନୂଆଦିଲ୍ଲୀ: ଗୋଟିଏ ଦେଶ-ଗୋଟିଏ ଭାଷାକୁ ନେଇ ଗୃହମନ୍ତ୍ରୀ ଅମିତ ଶାହ ଦେଇଥିବା ମନ୍ତବ୍ୟକୁ ବିରୋଧ କରିଛନ୍ତି ଅନେକ ନେତା । କମଲ ହାସନଙ୍କ କଡା ଚେତାବନୀ ପରେ ଏବେ କଂଗ୍ରେସ ନେତା ରାହୁଲ ଗାନ୍ଧୀ ଶାହାଙ୍କ ବିଚାରଧାରାକୁ ବିରୋଧ କରିଛନ୍ତି । ତ୍ରିରଙ୍ଗା ଚିତ୍ର ସହ 23 ଟି ଭାଷାର ନାମ ଲେଖି ଗୋଟିଏ ଦେଶ-ଗୋଟିଏ ଭାଷାକୁ ବିରୋଧ କରିଛନ୍ତି ରାହୁଲ ଗାନ୍ଧୀ ।
ସେ ଟ୍ବିଟ କରି ଲେଖିଛନ୍ତି, ଓଡିଆ, ମରାଠୀ, କନ୍ନଡ, ହିନ୍ଦୀ, ତାମିଲ, ଇଂଗ୍ରାଜୀ, ଗୁଜୁରାତି, ବଙ୍ଗାଳି, ଉର୍ଦ୍ଦୁ, ପଞ୍ଜାବୀ, କୋଙ୍କଣୀ, ମାଲାୟଲମ, ତେଲୁଗୁ, ଆସାମୀ, ବଡୋ, ଡୋଗରୀ, ମୈଥିଲୀ, ନେପାଳୀ, ସଂସ୍କୃତ, କାଶ୍ମୀରୀ, ସିନ୍ଧୀ, ସାନ୍ଥାଳୀ, ମଣିପୁରୀ । ଭାରତରେ ଭିନ୍ନ ଭାଷା ଭାରତର ଦୁର୍ବଳତା ନୁହେଁ ।
ସୂଚନାଯୋଗ୍ୟ ଯେ, ଗତ 14 ତାରିଖରେ ହିନ୍ଦୀ ଦିବସ ଅବସରରେ ଗୃହମନ୍ତ୍ରୀ ଏମିତ ଶାହ ହିନ୍ଦୀ ଭାଷା ହିଁ ଦେଶକୁ ଏକଜୁଟ କରି ପାରିବ ବୋଲି କହିଥିଲେ । ସେ କହିଥିଲେ, ହିନ୍ଦୀ ଆମର ରାଷ୍ଟ୍ରଭାଷା । ଆମ ଦେଶରେ ଅନେକ ଭାଷା ରହିଛି, କିନ୍ତୁ ଏଭଳି ଏକ ସ୍ବତନ୍ତ୍ର ଭାଷା ରହିବା ଆବଶ୍ୟକ ଯାହା ବିଶ୍ବରେ ଭାରତକୁ ପରିଚିତ କରିବ ।
