ହାଇଦ୍ରାବାଦ: ସର୍ବଭାରତୀୟ ସ୍ତରରେ ଲଞ୍ଚ ହେଲା ୱାନ ନେସନ ୱେନ ଆପ୍ ଇଟିଭି ଭାରତ । 29ଟି ରାଜ୍ୟ, 725 ଜିଲ୍ଲାର ଖବର ଆପଣଙ୍କୁ 13ଟି ଭାଷାରେ ପରିବେଷଣ କରିବ ଏହି ଆପ । ଏହି ଆପର ଗ୍ରାଣ୍ଡ ଲଞ୍ଚ ଉପରାଷ୍ଟ୍ରପତି ଭେଙ୍କୟା ନାଇଡୁ କରିଥିବା ବେଳେ ବିଭିନ୍ନ ରାଜ୍ୟର ବିଶିଷ୍ଟ ବ୍ୟକ୍ତି ବିଶେଷ ଏହି ଆପକୁ ମଧ୍ୟ ଉନ୍ମୋଚନ କରିଛନ୍ତି । ବହୁଭାଷୀ 'ଇଟିଭି ଭାରତ' ଆପ 24 ଘଣ୍ଟିଆ ଭିଡିଓ ଖବର ପରିବେଷଣ କରିବ ।
'ଇଟିଭି ଭାରତ' ଓଡିଶା ଆପକୁ ଓଡିଶା ରାଜ୍ୟପାଳ ଗଣେଶୀ ଲାଲ ଉନ୍ମୋଚିତ କରିଛନ୍ତି । ଏହା ସହ ଉପରାଷ୍ଟ୍ରପତି ଭେଙ୍କେୟାନାଇଡୁ ମଧ୍ୟ ଏହାର ଗ୍ରାଣ୍ଡ ଲଞ୍ଚ କରିଛନ୍ତି ।
ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ତେଲୁଗୁ ଭାଷାର ଇଟିଭି ଭାରତକୁ ଉନ୍ମୋଚନ କରିବା ସହ ଶୁଭେଚ୍ଛା ଜଣାଇଛନ୍ତି । ସେହିପରି ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋଓ୍ବାଲ ତାଙ୍କ ଭାଷାର ଆପକୁ ଲଞ୍ଚ କରିଛନ୍ତି । ହରିୟାଣାରେ ମଧ୍ୟ ମନୋହର ଲାଲା ଖଟ୍ଟର ଶୁଭାରମ୍ଭ କରିଛନ୍ତି । ଛତିଶଗଡରେ ମୁଖ୍ୟମନ୍ତ୍ରୀ ଭୂପେଶ ବଘେଲ ୱାନ ନେସନ ୱାନ ଆପର ଉଦଘାଟନ କରିଛନ୍ତି । ଏହା ସହିତ ଅନ୍ୟ ରାଜ୍ୟର ବିଶିଷ୍ଟ ବ୍ୟକ୍ତି ବିଶେଷ ଏହି ଆପକୁ ଲଞ୍ଚ କରିଛନ୍ତି ।
ବ୍ୟୁରୋ ରିପୋର୍ଟ ଇଟିଭି ଭାରତ
