ନୂଆଦିଲ୍ଲୀ: ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀ କହିଛନ୍ତି ଯେ ବନ୍ଦେ ଭାରତ ମିଶନ ଅଧୀନରେ ବିଦେଶରେ ଫସି ରହିଥିବା 2 ଲକ୍ଷ 75 ହଜାର ଭାରତୀୟଙ୍କୁ କୋରୋନା ସଙ୍କଟ ସମୟରେ ଫେରାଇ ଅଣାଯାଇଛି ।
ଆଜି(ଶନିବାର) ଏକ ସାମ୍ବାଦିକ ସମ୍ମିଳନୀରେ ପୁରୀ ଏହି ସୂଚନା ଦେଇଛନ୍ତି। ସେ କହିଛନ୍ତି, ବିମାନ ସଂଖ୍ୟା ବଢାଇବାକୁ ଆମର କ୍ଷମତା, ଗନ୍ତବ୍ୟ ସ୍ଥଳରେ ବିମାନ ଗ୍ରହଣ କରିବାର ଇଚ୍ଛା ଉପରେ ନିର୍ଭର କରେ । ତେବେ ଅଧିକାଂଶ ଯାତ୍ରୀ କେରଳକୁ ଆସିଛନ୍ତି ।
ମେ 7ରୁ ଆରମ୍ଭ ହୋଇଥିବା ଏହି ମିଶନ ବର୍ତ୍ତମାନ ତୃତୀୟ ପର୍ଯ୍ୟାୟରେ କାର୍ଯ୍ୟ କରୁଛି । ପ୍ରଥମ ପର୍ଯ୍ୟାୟରେ 12ଟି ଦେଶରୁ 15 ହଜାର ଯାତ୍ରୀ ଆସିଥିବା ବେଳେ ଦ୍ବିତୀୟ ପର୍ଯ୍ୟାୟରେ 15ଟି ଦେଶରୁ 1 ଲକ୍ଷ 88 ହଜାର ଯାତ୍ରୀ ଆସିଛନ୍ତି । 11 ଜୁନରେ ତୃତୀୟ ପର୍ଯ୍ୟାୟ ଯାତ୍ରୀ ପରିବହନ ଆରମ୍ଭ ହୋଇଛି ।
