ଗୌହାଟୀ: ସାରା ଦେଶର ଚିନ୍ତା ବଢାଇଛି କୋଭିଡ 19 । ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାର ସମସ୍ତ ପ୍ରକାର ପଦକ୍ଷେପ ନେଉଛନ୍ତି । ଦେଶବ୍ୟାପୀ ଲକଡାଉନ ସହ ନୂଆ ହସ୍ପିଟାଲ ନିର୍ମାଣ ହେଉଛି । ଦେଶର ସମସ୍ତ ଘରୋଇ କମ୍ପାନୀ ଏହି ଲଢେଇରେ ସରକାରଙ୍କ ସାଥ ଦେଇଛନ୍ତି । ଏହି ଅବସରରେ ସରକାରଙ୍କୁ ସାହାଯ୍ୟର ହାତ ବଢାଇଛି ଭାରତୀୟ ରେଳବାଇ ।
କୋରୋନା ମୁକାବିଲା ପାଇଁ ରେଳବାଇ ପକ୍ଷରୁ ଅସ୍ଥାୟୀ ହସ୍ପିଟାଲ ନିର୍ମାଣ କରାଯାଉଛି । ଏଥିପାଇଁ ଆଇସୋଲେସନ ବଗି ପ୍ରସ୍ତୁତ ହୋଇଛି । ଏଥିରେ କୋରୋନା ରୋଗୀଙ୍କୁ ରଖାଯାଇ ଚିକିତ୍ସା କରାଯିବ । ଏଥିରେ ହସ୍ପିଟାଲର ସମସ୍ତ ସୁବିଧା କରାଯାଇଛି । ଗୋଟିଏ ବଗିରେ 9 ଜଣ ରୋଗୀଙ୍କ ରହିବାର ବ୍ୟବସ୍ଥା ହୋଇଛି ।
ଉତ୍ତର ପୂର୍ବ ରେଳବାଇ ଜୋନରେ ଏହି ଟ୍ରେନର ବଗି ତିଆରି କରାଯାଇଛି । ଆସାମର କାମାକ୍ଷା ରେଲୱେ ଷ୍ଟେସନରେ ବଗିଗୁଡିକ ରହିଛି । ସରକାରଙ୍କ ସହ ପରାମର୍ଶ ପରେ ଏଥିରେ ରୋଗୀଙ୍କ ଚିକିତ୍ସା ଆରମ୍ଭ ହେବ । ଦେଶରେ ବଢୁଥିବା କୋରୋନା ଆକ୍ରାନ୍ତଙ୍କ ସଂଖ୍ୟା ଦେଖି ଏପରି ନିଷ୍ପତ୍ତି ନେଇଛି ଭାରତୀ ରେଳବାଇ । ଆଗକୁ ଦରକାର ପଡିଲେ ଏଥିରେ ସମସ୍ତ ରୋଗୀଙ୍କ ଚିକିତ୍ସା ହେବ ବୋଲି ଜଣାପଡିଛି ।
@ANI
