ନୂଆଦିଲ୍ଲୀ: ମହାମାରୀ କୋରୋନା ଭାଇରସ କବଳିତ ଜାପାନ ଜାହାଜ ଡାଇମଣ୍ଡ ପ୍ରିନ୍ସେସରେ ଥିବା ଭାରତୀୟ କ୍ରୁ ମେମ୍ବର ଓ ନାଗରିକମାନେ ଭାରତ ପ୍ରତ୍ୟାବର୍ତ୍ତନ କରୁଛନ୍ତି । ଏୟାର ଇଣ୍ଡିଆ ପକ୍ଷରୁ ପଠାଇଯାଇଥିବା ଫ୍ଲାଇଟ ଯୋଗେଁ ସମସ୍ତଙ୍କୁ ଦିଲ୍ଲୀ ଫେରାଇ ଅଣାଯାଉଛି । ଯେଉଁମାନେ ଭାଇରସ ଦ୍ବାରା ଆକ୍ରାନ୍ତ ହୋଇ ନାହାନ୍ତି, ସେମାନେ ହିଁ ଏହି ଫ୍ଲାଇଟରେ ଭାରତ ଆସୁଛନ୍ତି ।
ପରୀକ୍ଷଣ ପରେ ଜାହାଜରେ ଥିବା ଯାତ୍ରୀଙ୍କ ମଧ୍ୟରୁ 16 ଜଣ ଆକ୍ରାନ୍ତ ଥିବା ଜଣାପଡିବା ପରେ ଅନ୍ୟ ଭାରତୀୟଙ୍କୁ ଏୟାର ଇଣ୍ଡିଆର ଫ୍ଲାଇଟ ଯୋଗେଁ ଦିଲ୍ଲୀ ଅଣାଯାଉଛି । ଟୋକିଓ ନିକଟ ୟୋକହାମା ବନ୍ଦରରେ ଥିବା ଡାଇମଣ୍ଡ ପ୍ରିନ୍ସେସ ଜାହାଜରେ ମୋଟ 3711 ଯାତ୍ରୀ ଥିଲେ । ଏମାନଙ୍କ ମଧ୍ୟରୁ ଭାରତୀୟ 132 କ୍ରୁ ମେମ୍ବର ଓ 138 ଜଣ ନାଗରିକ ରହିଥିଲେ ।
@ANI
