ନୂଆଦିଲ୍ଲୀ: ଏଣିକି ଜନଗହଳି ପୂର୍ଣ୍ଣ ସ୍ଥାନରେ ବି କାହାକୁ କ୍ଷତି ନପହଞ୍ଚାଇ ଶତୃକୁ ଟାର୍ଗେଟ କରିବ ଭାରତୀୟ ସେନା । ଭାରତୀୟ ସେନା ଆମେରିକା ଠାରୁ ଏକ ସ୍ବତନ୍ତ୍ର ପ୍ରକାରର ହତିଆରଏକ୍ସକେଲିବର ଯୁଦ୍ଧାସ୍ତ୍ର କିଣିବାକୁ ଯାଉଛି । ଯାହା 50 କିମି ଦୂରରୁ ଲକ୍ଷ୍ୟଭେଦ କରିବାର କ୍ଷମତା ରଖୁଛି ।
ଜରୁରୀକାଳୀନ କ୍ରୟ ପ୍ରକ୍ରିୟାରେ ଭାରତୀୟ ସେନା ଆମେରିକାଠାରୁ ଏହି ହତିଆର କିଣିବ । ଏହା ଜିପିଏସ ନେଭିଗେସନ ସିଷ୍ଟମ ଏବଂ ସାଟେଲାଇଟ ସିଗ୍ନାଲ ସାହାଯ୍ୟରେ ନିଜ ଟାର୍ଗେଟକୁ ଧ୍ବଂସ କରିବ । ଏକ୍ସକେଲିବର ଏମ୍ୟୁନିଶନ ବା 155 ଏମଏମ ଆର୍ଟିଲରୀ ବୋମା 60 କିମି ସୀମା ଭିତରେ ଥିବା ନିଜ ଟାର୍ଗେଟକୁ ଚିହ୍ନିବା ଏବଂ ତାକୁ ଭେଦ କରିବାର କ୍ଷମତା ରଖୁଛି । ଏହି ବୋମାକୁ ଏମ-777 ହୋବିତ୍ଜର ତୋପ ଏବଂ ଧନୁଷ ତୋପରେ ମଧ୍ୟ ବ୍ୟବହାର କରାଯାଇପାରିବ ।
ସୂଚନା ଯୋଗ୍ୟ ଯେ, ପୁଲୱାମା ଭଳି ଆକ୍ରମଣ ପରର ସ୍ଥିତି ପାଇଁ ସମ୍ପୁର୍ଣ୍ଣ ପ୍ରସ୍ତୁତ ହେଉଛି ଭାରତୀୟ ସେନା । ଏହି ବୋମାକୁ ନିୟନ୍ତ୍ରଣ ରେଖାରେ ନିୟୋଜିତ ଯୁନିଟ୍ ପାଇଁ କିଣା ଯାଉଛି । ଏହି ବୋମା ଆକାଶରୁ ଆସୁଥିବା ଏବଂ ବଙ୍କରରେ ଲୁଚିରହିଥିବା ଟାର୍ଗେଟକୁ ବି ଭେଦ କରି ପାରିବ ।
