ନୂଆଦିଲ୍ଲୀ: ଉତ୍ତର-ପୂର୍ବ ଦିଲ୍ଲୀ ହିଂସାରେ ପ୍ରାୟ 254ଟି ମାମଲା ରୁଜୁ କରାଯାଇଥିବା ବେଳେ ହିଂସାରେ 903 ଜଣଙ୍କ ସମ୍ପୃକ୍ତି ଥିବା ଜଣାପଡିଛି ।
ଆର୍ମ ଆକ୍ଟ ଅଧିନରେ 41ଟି ମାମଲା ରୁଜୁ ହୋଇଥିବା ଜଣାପଡିଛି । ଏହାସହ ହିଂସା ସମୟରେ କୌଣସି ପିସିଆର କଲ୍ ଆସିନଥିବା କହିଛନ୍ତି ବରିଷ୍ଠ ପୋଲିସ ଅଧିକାରୀ ମନଦୀପ ସିଂହ ରନ୍ଧୱା । ଦଙ୍ଗା ହୋଇଥିବା ସ୍ଥାନ ବର୍ତ୍ତମାନ କଡା ସୁରକ୍ଷା ବଳରେ ଥିବା କହିଛନ୍ତି ପୋଲିସ ଅଧିକାରୀ ।
ଅନ୍ୟପକ୍ଷରେ ସୋସିଆଲ ମିଡିଆରେ ମଧ୍ୟ ହିଂସା ବ୍ୟାପୁଥିବା ସେ କହିଛନ୍ତି । ଏଥିରେ 13 ଲୋକଙ୍କ ବିରୋଧରେ ମାମଲା ରୁଜୁ କରାଯାଇଛି । ଦିଲ୍ଲୀ ପୋଲିସ ଲୋକଙ୍କୁ ଶାନ୍ତି ବଜାୟ ରଖିବା ପାଇଁ ଅନୁରୋଧ କରିଛନ୍ତି । ବିନା କୌଣସି ସୂଚନାରେ କୌଣସି ବ୍ୟକ୍ତି ସୋସିଆଲ ମିଡିଆରେ କିଛି ବି ସେୟାର କଲେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
PTI ଇନପୁଟ ସହ ବ୍ୟୁରୋ ରିପୋର୍ଟ, ଇଟିଭି ଭାରତ
