ନୂଆଦିଲ୍ଲୀ : ଭାରତୀୟ ଜନତା ପାର୍ଟିର ନେତୃତ୍ବ ପଶ୍ଚିମବଙ୍ଗ ଉପରେ ସମ୍ପୂର୍ଣ୍ଣ ନଜର ରଖିଛି । 2021 ରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାର ଅଛି ତେଣୁ ଦଳ ସବୁ ପ୍ରକାର ପ୍ରସ୍ତୁତି ଆରମ୍ଭ କରିଛି। ପଶ୍ଚିମବଙ୍ଗ ପାଇଁ ରଣନୀତି ପ୍ରସ୍ତୁତ କରିବା ଆରମ୍ଭ କରିଛି ବିଜେପି। ଏହି କ୍ରମରେ ବିଜେପି ନେତୃତ୍ବର ଗୁରୁତ୍ବପୂର୍ଣ୍ଣ ବୈଠକ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ବାସଭବନରେ ଅନୁଷ୍ଠିତ ହୋଇଛି।
ଆସନ୍ତା କିଛି ମାସ ମଧ୍ୟରେ ଟିଏମସିର ନୂତନ ନେତା ତଥା ସମର୍ଥକଙ୍କୁ ବିଜେପିରେ ଯୋଗଦେବା ଉପରେ ଏହି ବୈଠକର ମୁଖ୍ୟ ଆକର୍ଷଣ। ବିଜେପିରେ ଯୋଗଦେବା ପୂର୍ବରୁ ସେମାନଙ୍କ ବିଷୟରେ ଯାଞ୍ଚ ମଧ୍ୟ କରାଯିବ । ଏହା ବ୍ୟତୀତ ନିର୍ବାଚନ ପୂର୍ବରୁ ରାଜ୍ୟ ଦଳର ନେତାଙ୍କ ପାଇଁ ନୂତନ ଦାୟିତ୍ବ ଉପରେ ମଧ୍ୟ ଆଲୋଚନା ହେବ।
ଦଳର ଦାୟିତ୍ବକୁ ନେଇ ପଶ୍ଚିମବଙ୍ଗ ବିଜେପିରେ ଅନେକ ପରିବର୍ତ୍ତନ କରାଯାଇଛି। ବିଜେପିର 18 ଜଣ ସାଂସଦ ଅଛନ୍ତି, ସେମାନଙ୍କ ଦାୟିତ୍ବ ମଧ୍ୟ ସ୍ଥିର କରାଯାଇଛି। ପଶ୍ଚିମବଙ୍ଗର 18 ଟି ବିଜେପି ସାଂସଦଙ୍କ ମଧ୍ୟରୁ 11 ଜଣଙ୍କୁ ଦଳର ସଂଗଠନର ଦାୟିତ୍ବ ଦିଆଯାଇଛି। ଦାର୍ଜିଲିଂର ସାଂସଦ ରାଜୁ ବିଷ୍ଟାଙ୍କୁ ଜାତୀୟ ମୁଖପାତ୍ର କରାଯାଇଛି ଯାହା ଦ୍ବାରା ସେ ରାଜ୍ୟ ପ୍ରସଙ୍ଗକୁ ପ୍ରାଥମିକତା ଦେଇ ପାରିବେ।
ଏଥି ସହିତ ମାଲଦା ଉତ୍ତରର ସାଂସଦ ଖଗେନ ମୁର୍ମୁଙ୍କୁ ପଶ୍ଚିମବଙ୍ଗର ଅନୁସୂଚିତ ଜନଜାତି ମୋର୍ଚ୍ଚାର ସଭାପତି କରାଯାଇଛି। ସେହିଭଳି ବାଲୁରଘାଟର ସାଂସଦ ସୁକାନ୍ତ ମଜୁମଦାରଙ୍କୁ ଉତ୍ତର ପଶ୍ଚିମବଙ୍ଗର ସହପ୍ରଭାରୀ ଭାବେ ନିଯୁକ୍ତ କରାଯାଇଛି।
