ନୂଆଦିଲ୍ଲୀ: ଭାରତୀୟ କୃଷକ ସାର ସମବାୟ ଲିମିଟେଡ୍ (IFFCO)ସାମଗ୍ରିକ କାରବାରରେ 125 ତମ ସ୍ଥାନରୁ 65 ତମ ସ୍ଥାନକୁ ଆସିଛି । ଏହାସହିତ ସମ୍ପ୍ରତି ବିଶ୍ବର 300 ଅଗ୍ରଣୀ ସମବାୟ ସମିତି ମଧ୍ୟରେ ଇଫକୋ ଶୀର୍ଷ ସ୍ଥାନରେ ରହିଛି ବୋଲି ଏକ ସରକାରୀ ବିଜ୍ଞପ୍ତିରୁ ସୂଚନା ମିଳିଛି । ଏହି ମାନ୍ୟତା ମୁଣ୍ଡପିଛା ମୋଟ ଘରୋଇ ଉତ୍ପାଦ (ଜିଡିପି) ଉପରେ ହେଉଥିବା କାରବାରର ଅନୁପାତ ଉପରେ ଆଧାରିତ ବୋଲି ଜଣାପଡିଛି ।
ଏହି ମାନ୍ୟତାରୁ ଜଣାପଡିଛି ଯେ IFFCO ଜିଡିପି ଏବଂ ଜାତୀୟ ଅର୍ଥନୈତିକ ଅଭିବୃଦ୍ଧିରେ ଉଲ୍ଲେଖନୀୟ ଅବଦାନ ଦେଉଛି । ଆନ୍ତର୍ଜାତୀୟ ଦ୍ବାରା ପ୍ରକାଶିତ ନବମ ବାର୍ଷିକ ବିଶ୍ୱ ସମବାୟ ମନିଟର (ଡବ୍ଲୁସିଏମ୍) ରିପୋର୍ଟର 2020 ସଂସ୍କରଣ ଅନୁଯାୟୀ ଏହା ଦେଶର ଅର୍ଥନୈତିକ କ୍ଷେତ୍ରକୁ ସୁଦୃଢ କରୁଛି ବୋଲି IFFCO ପକ୍ଷରୁ କୁହାଯାଇଛି । ଏହି ସଫଳତା ଇଫକୋର ସମସ୍ତ କର୍ମଚାରୀଙ୍କ ପାଇଁ ଗୌରବର ବିଷୟ ବୋଲି ଇଫ୍କୋର ଏମଡି ଡକ୍ଟର ୟୁ.ଏସ ଅୱସ୍ଥି କହିଛନ୍ତି ।
ଗୁରୁବାର ଆୟୋଜିତ ହୋଇଥିବା ଏକ ଆନ୍ତର୍ଜାତୀୟ ୱେବିନାର୍ ସମୟରେ ଆନ୍ତର୍ଜାତୀୟ କୋଅପରେଟିଭ୍ ଆଲିଆନ୍ସ (ଆଇସିଏ) ଏବଂ ୟୁରୋପୀୟ ରିସର୍ଚ୍ଚ ଇନଷ୍ଟିଚ୍ୟୁଟ୍ ଅଫ୍ କୋଅପରେଟିଭ୍ ଆଣ୍ଡ ସୋସିଆଲ୍ ଏଣ୍ଟରପ୍ରାଇଜେସ୍ (ୟୁରିସି) ୱାର୍ଲ୍ଡ କୋଅପରେଟିଭ୍ ମନିଟରର 2020 ସଂସ୍କରଣକୁ ଲଞ୍ଚ କରିଛି । ଏହି ରିପୋର୍ଟ ସର୍ବବୃହତ ସମବାୟ ସମିତିର ଆର୍ଥିକ ତଥା ସାମାଜିକ ପ୍ରଭାବ ଏବଂ ବିଶ୍ବବ୍ୟାପୀ ପାରସ୍ପରିକ ପ୍ରଭାବକୁ ଦୃଷ୍ଟିରେ ରଖି ଟପ୍ 300 ରାଙ୍କିଙ୍ଗର ତାଲିକା ପ୍ରସ୍ତୁତ କରିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
