ଶ୍ରୀନଗର: ଜମ୍ମୁ-କାଶ୍ମୀରରେ ବଡ ଧରଣର ଆତଙ୍କବାଦୀ ଆକ୍ରମଣ ଯୋଜନା ପଣ୍ଡ କରିଛନ୍ତି ଭାରତୀୟ ଯବାନ । ରବିବାର ଜମ୍ମୁ କଶ୍ମୀର ରାଜୌରୀ ନିୟନ୍ତ୍ରଣ ରେଖା (ଏଲଓସି) ନିକଟରେ ଆତଙ୍କବାଦୀମାନେ ଆଇଇଡି ଖଞ୍ଜିଥିବା ସୁରକ୍ଷାକର୍ମୀଙ୍କୁ ସୂଚନା ମିଳିଥିଲା । ସୂଚନା ଆଧାରରେ ସୁରକ୍ଷାକର୍ମୀମାନେ ଘଟଣାସ୍ଥଳରେ ପହଞ୍ଚି ସର୍ଚ୍ଚ ଅପରେଶନ ଆରମ୍ଭ କରିଥିଲେ । ତେବେ ଆଇଇଡି ମିଳିବା ପରେ ଏହାକୁ ସଫଳତାପୂର୍ବକ ନିଷ୍କ୍ରିୟ କରି ଦିଆଯାଇଥିବା ଜଣା ପଡିଛି ।
ସେପଟେ ଘଟଣା ପରେ ଜମ୍ମୁ-କାଶ୍ମୀର ପୋଲିସ ହାଇ ଆଲର୍ଟରେ ରହିଛି । ଘାଟିରୁ ଆତଙ୍କବାଦୀମାନଙ୍କୁ ଦମନ କରିବା ପାଇଁ ଘେରାବନ୍ଦୀ ଓ ସର୍ଚ୍ଚ ଅପରେଶନ ତୀବ୍ର କରିବାକୁ ପୋଲିସ ମହାନିର୍ଦ୍ଦେଶକ ଦିଲବାଗ ସିଂହ ନିର୍ଦ୍ଦେଶ ଦେଇଛନ୍ତି ।
