ନୂଆଦିଲ୍ଲୀ: କୋରୋନା ମୁକାବିଲା ପାଇଁ ଦେଶର ନମୁନା ପରୀକ୍ଷାକୁ ଝଟକା ଲାଗିଛି । ରାପିଡ ଟେଷ୍ଟିଂ କିଟ୍ସ ପରେ ଏବେ ଆଣ୍ଟି ବଡି ଟେଷ୍ଟିଂରେ ସମସ୍ୟା ଦେଖାଦେଇଛି । ଏହାକୁ ବ୍ୟବହାର କରିବାରେ ଏବେ ଲାଗୁ ହୋଇଛି କଟକଣା ।
ଏନେଇ ଭାରତୀୟ ମେଡିକାଲ ରିସର୍ଚ୍ଚ ପରିଷଦ ଏକ ପ୍ରୋଟୋକଲ ଜାରି କରିଛି । କିଛି ରାଜ୍ୟ ରାପିଡ ଆଣ୍ଟି ବଡି ଟେଷ୍ଟ କରିବାରେ ଅସୁବିଧା ସାମନା କରିଥିଲେ । ଏନେଇ ସେମାନେ ପରିଷଦକୁ ଜଣାଇବା ପରେ ଏପରି ନିଷ୍ପତ୍ତି ନେଇଛି ଆଇସିଏମଆର ।
ବର୍ତ୍ତମାନ ପାଇଁ ଏହି ଟେଷ୍ଟ ନକରିବାକୁ କଟକଣା ଜାରି ହୋଇଛି । ତେବେ ପୂର୍ବରୁ ମଙ୍ଗଳବାର ରାପିଡ ଟେଷ୍ଟିଂ କିଟ୍ସ ବ୍ୟବହାର ନକରିବାକୁ ସମସ୍ତ ରାଜ୍ୟକୁ ନିର୍ଦ୍ଦେଶ ଦେଇଥିଲା ଆଇସିଏମଆର । ଦେଖାଯାଇଥିବା କିଛି ସମସ୍ୟା ଯୋଗୁଁ ଏହାକୁ 2ଦିନ ବନ୍ଦ ରଖିବାକୁ ନିର୍ଦ୍ଦେଶନାମା ଜାରି କରାଯାଇଛି ।
ସୌଜନ୍ୟ@ANI
