ନୂଆଦିଲ୍ଲୀ: 2018 ଅକ୍ଟୋବର ମାସ । ଛତିଶଗଡ ଆରଣପୁରରେ ନକ୍ସଲ ଆକ୍ରମଣରେ ପ୍ରାଣ ହରାଇଥିଲେ କନେଷ୍ଟବଳ ରାକେଶ କୌଶଲଙ୍କ ସମେତ ଅନ୍ୟ 4 ସୁରକ୍ଷାକର୍ମୀଙ୍କ ଜୀବନ । ସେପଟେ ବୀର ପୁଅକୁ ହରାଇ ଭାଙ୍ଗି ପଡିଥିଲା ପୁରା ପରିବାର । ଭଉଣୀ କବିତାଙ୍କ ପାଟିରୁ ବାହରି ନଥିଲା କଥା ।
ହେଲେ ପରିବାର ପାଇଁ ସାହା ହେବାର ଧର୍ଯ୍ୟ ଏକାଠି କରିଥିଲେ ରାକେଶଙ୍କ ଭଉଣୀ କବିତା । ଭାଇଙ୍କ ଜାଗାରେ ଚାକିରୀ କରିବାର ମିଳିଥିଲା ସୁଯୋଗ । ଆଉ ଆଜି ସେ ଛତିଶଗଡ ପୋଲିସରେ କନେଷ୍ଟବଳ ଭାବେ ଯୋଗ ଦେଇଛନ୍ତି । ଆଜି କାମକୁ ଯିବା ପୂର୍ବରୁ ସେ ଭାଇଙ୍କ ବନ୍ଧୁକରେ ରାକ୍ଷୀ ବାନ୍ଧି ଶହୀଦ ରାକେଶଙ୍କ ଫଟୋ ପୂଜା କରି ଆରମ୍ଭ କରିଛନ୍ତି କାମ ।
ସେ ତାଙ୍କ ଭାଇଙ୍କ ବନ୍ଧୁକ ବ୍ୟବହାର କରିବା ପାଇଁ ଅନୁମତି ମାଗିଛନ୍ତି । ସେଇ ସମାନ ବନ୍ଧୁକ ବ୍ୟବହାର କରି ସେ ଭୀର ନକ୍ସଲଙ୍କ ଦମନ କରିବି । ମୋ ଭାଇଙ୍କ ମୃତ୍ୟୁର ପ୍ରତିଶୋଧ ନେବି ବୋଲି କହିଛନ୍ତି କବିତା । ଏହାସହ ଦାନ୍ତେଶ୍ବରୀ ଫାଇଟରସରେ ଯୋଗ ଦେବାକୁ ଚାହୁଁଛି ବୋଲି କହିଛନ୍ତି ସେ ।
