ଚଣ୍ଡିଗଡ଼: ଡ୍ୟାନ୍ସର ସ୍ବପ୍ନା ଚୌଧୁରୀ କଂଗ୍ରେସରେ ଯୋଗ ଦେବା ଖବର ଗତ ଦୁଇଦିନ ଧରି ଖୁବ ଚର୍ଚ୍ଚାର ବିଷୟ ପାଲଟିଥିଲା । ତେବେ ଏହି ପ୍ରସଙ୍ଗରେ ବିରାମ ଲଗାଇଛନ୍ତିସ୍ବପ୍ନା।ଏକ ସାମ୍ବାଦିକ ସମ୍ମିଳନୀରେ ସ୍ବପ୍ନା ନିଜେ ଏହି କଥାକୁ ଭୁଲ ବୋଲି କହିଛନ୍ତି । ସେ କଂଗ୍ରେସର ଯୋଗଦେଇନାହାଁନ୍ତି କି ରାଜନୀତିରେ ତାଙ୍କର କୌଣସିଆଗ୍ରହ ନଥିବା କହିଛନ୍ତି ସ୍ବପ୍ନା।
ସ୍ବପ୍ନାକଂଗ୍ରେସରେ ଯୋଗ ଦେବା ନେଇ କିଛିଦିନରୁ ଜୋରସୋର ଚର୍ଚ୍ଚା ଚାଲିଥିଲା । କେବଳ ସେତିକି ନୁହେଁମଥୁରାରୁ ବିଜେପି ପ୍ରାର୍ଥୀହେମାମାଲିନୀଙ୍କୁସ୍ବପ୍ନା କଡ୍ଡା ଟକର ଦେବା ନେଇ ପ୍ରଚାର ହୋଇଥିଲା । ପରେ କଂଗ୍ରେସ ମଥୁରାରୁ ଅନ୍ୟ ପ୍ରାର୍ଥୀଙ୍କ ନାମ ଘୋଷଣା କଲା । ଏହାସତ୍ତ୍ବେ ବି କଂଗ୍ରେସ ସ୍ବପ୍ନାକୁ ଅନ୍ୟ ଆସନ ପାଇଁ ଠିଆ କରାଇବ ବୋଲି ମିଥ୍ୟା ପ୍ରଚାର ହେଲା ।
ତେବେ ପ୍ରିୟଙ୍କା ଗାନ୍ଧୀଙ୍କ ସହ ସ୍ବପ୍ନାଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯାହାକୁ ଦେଖି ସମସ୍ତେ ଭାବିଲେ ସ୍ବପ୍ନା କଂଗ୍ରେସରେ ଯୋଗ ଦେବେ । ଭାଇରାଲ ହୋଇଥିବା ସମସ୍ତ କଥାକୁ ସ୍ବପ୍ନା ଏକ ପ୍ରେସମିଟ ଜରିଆରେ ସ୍ପଷ୍ଟ କରିଦେଇଛନ୍ତି । ସେ କହିଛନ୍ତି ଯେ କଂଗ୍ରେସରେ ଯୋଗ ଦେବା କଥା ସମ୍ପୂର୍ଣ୍ଣ ଭାବେ ଭୁଲ । ସେ କୌଣସି ଦଳରେ ଯୋଗ ଦେଇନାହାଁନ୍ତି । ଆସନ୍ତା ଦିନମାନଙ୍କରେ ସେ ଏପରି ଯୋଜନା ମଧ୍ୟ ରଖିନାହାଁନ୍ତି । ପ୍ରିୟଙ୍କା ଗାନ୍ଧୀଙ୍କ ସହ ତାଙ୍କର ଫଟୋବହୁତ ପୁରୁଣା ବୋଲି କହିଛନ୍ତି ସ୍ବପ୍ନା।
